ФИООМ

Стипендии за постипломски студии за претприемништво во Осијек

Фондацијата Институт отворено општество - Македонија ја објавува Програмата за стипендирање на постдипломски студии од областа на претприемништвото на Економскиот факултет во Осијек, Република Хрватска
 
Опис на програмата

Програмата има за цел да ги поддржи студентите заинтересирани за развивање на нивната стручност во областа на претприемништвото.

Постдипломските студии Претприемништво со својата содржiна се очекува да го стимулираат развојот на деловниот потфат. Тие се одвиваат во четири семестри. Секој семестар изучува една развојна фаза од деловниот потфат : генерирање на деловната идеја, планирање и набавка на ресурси, воспоставување организација и менаџмент. Последниот семестар треба да го интегрира знаењето и вештините стекнати во претходните три семестри и да го пренесе во реалноста низ покренување, развој или консултирање на деловниот потфат.

Студиите започнуваат во март 2004 година. Предавањата се одвиваат секој втор викенд: четврток и петок од 16.30 до 20 часот и во сабота од 9 до 17 часот.
 

Планирано е доделување на стипендии кои опфаќаат школарина во вкупен износ од 4000 €  и сместување во Осијек во деновите кога има  предавања. Кандидатот сам ги обезбедува патните и дневните трошоци. Во случај да магистерските студии не бидат завршени, стипендијантот има обврска да го врати полниот износ на стипендијата. Магистерската работа може да биде изработена на англиски или хрватски јазик, со извршена соодветна лектура.


Повеќе информации за постдипломските студии од областа на претприемништвото можат да се најдат и преку Интернет на страницата www.psp.efos.hr. 

 Право на пријавување имаат лицата кои :

• Имаат завршено високо образование, приоритетно економски факултет. Кандидатите кои немаат завршено економски факултет ќе треба дополнително да полагаат одредени предмети, како подготовка за успешно следење на постдипломските студии од претприемништво;
• Имаат активно познавање на англискиот и хрватскиот јазик;
• Познавање на работа со персонален компјутер и користење на интернет;
• Постигнат успех на додипломски студии над 8.00
• Имаат обезбедено две релевантни препораки.

Потребни документи за пријавување :

• Пополнет формулар од ФИОО-Македонија;
• Пополнета пријава од Економскиот факултет во Осијек;
• Есеј  за мотивите за пријавување напишан на англиски јазик;
• Биографија;
• Диплома за завршени студии, VII/1 степен, или заверена копија;
• Препис на оценките;
• Доказ за државјанство на Република Македонија;
• Две релевантни препораки;
• Две фотографии.

Селектираните кандидати ќе бидат повикани на разговор и тестирање. Ве молиме наведете и телефон за контакт. 

Краен рок за пријавување : 27.01.2004

Стипендиите се однесуваат на запишување на седмата генерација постдипломци по претприемаштво во академската 2003/4  година. Апликациите ќе бидат разгледувани и одобрувани од Комисија на Економскиот факултет во Осијек. Стипендијата се исплаќа и се администрира преку фондацијата  Институт отворено општество - Македонија.

Целосната докуметација во два истоветни примероци треба да биде доставена до назначениот рок во канцелариите на фондацијата  Институт отворено општество - Македонија, на адресата дадена подолу.

За оригинални формулари и дополнителни информации околу програмите,  обратете се на следнава адреса:
Фондација  Институт отворено општество- Македонија
бул. "Јане Сандански"  бр. 111,
П.фах 378, Скопје, 
тел : 02/244 44 88 лок. 117, 
факс: 02/244 44 99,
лице за контакт: Роска Илиевска.