|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Панел: Влијанието на граѓанскиот сектор врз економскиот развој на Македонија Организатор ЕЦМП - НВО мрежа за подобрување на меѓуетничките односи во РМ - Иницијативи за развој на општеството
Фокусот на интересирање од меѓуетнички односи се префрла на економски развој
На 13 декември во Скопје ќе се формира сојуз на здруженијата на граѓаните - Иницијативи за равој на општеството (ИРО) „Влијанието на граѓанскиот сектор врз економскиот развој на Македонија“ на првиот ден на саемот на НВО се одржа панел во организација на ЕЦМП – НВО мрежа за подобрување на меѓуетничките односи во РМ - Иницијативи за развој на општеството. Воведничарите, претставници на мрежата Александра Бојаџиева, Пајтим Саити и претседавачот Сенат Беќири пред присутните ги презентираа иницијативите за развој на општеството - Стратешкиот план за 2005–2007 година, наедно информирајќи и за формирањето на Сојузот на здруженијата на граѓаните - Иницијативи за равој на општеството (ИРО) на 13 декември годинава во Скопје. Според организаторите, Сојузот во иднина ќе функционира како формална мрежа во чиј фокус на интересирање ќе биде економскиот развој, а на која мрежа ќе имаат можност да & се приклучат сите заинтересирани здруженија на граѓани од земјава.
Презентираниот стратешки план, според Александра Бојаџиева, внесува новина во Македонија на полето на отворање можност за создавање нови ориентирани програми за услуги, градење на сопствени ресурсни сервиси, развој на заедничка програма со други мрежи од регионот или, пак, со мрежи со меѓународно значење. Исто така, планот предвидува и формирање нови медиуми чија целна група ќе бидат токму граѓанските организации.
„Нашата мрежа работи на децентрализација на граѓанскиот сектор во земјава, а една од нејзините најважни особености е што ЗГ соработуваат меѓу себе на добар начин. Планираме генерално да работиме на економскиот развој кој ќе вклучува и реализација на локални иницијативи. Во текот на 2005 година ќе се работи на идентификација на потребите, а практичната работа со реализација на проекти се предвидува да започне во втората половина на 2005 година. Се предвидува членовите на мрежата да продолжат со обуки на локално и на национално ниво“ – истакна Бојаџиева.
Во мрежата се вклучени седумдесетина ЗГ, а како што нагласи Пајтим Саити, таа функционира добро првенствено поради посветеноста на членовите на ЗГ кои се вклучени во неа, поради нивната секојдневна работа на терен меѓу граѓаните во земјава, без разлика на етничката и на верската припадност.
ЕЦПМ - НВО мрежата е формирана во 2001 година под иницијатива и во соработка со германската организација Фленсбур и до крајот на оваа година завршува предвидениот проект фокусиран на подобрување на меѓуетничките односи во Македонија. Реализацијата на мрежата е овозможена со финансиска поддршка на Шведската агенција за развој –СИДА, Британската амабасада во Скопје, Данското министерство за надворешни работи и Норвешкото министерство за надворешни работи, а се предвидува дел од нив и понатаму да продолжат да ја помагаат најавената формална мрежа - ИРО.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
