|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Стратегии за одржливост на граѓанскиот сектор во Македонија
МОЖЕМЕ ЛИ БЕЗ НАДВОРЕШНО ФИНАНСИРАЊЕ
Македонските граѓански организации во моментов се зависни од странските донации. Тие малку или воопшто не прибираат средства од алтернативни извори.
Што ќе се случи со граѓанските организации ако странските донатори престанат да ги финансираат? Ова е основното прашање што се наметна на панелот што го организираше Центарот за инситуционален развој (ЦИРа).
Презентирајќи ги примерите на земјите на Југоисточна Европа но и на другите западноевропски земји гостинот од Унгарија, Даг Ратзен (Центар за непрофитно право) се осврна на некои трендови и иновации како што се: финансиската поддршка од владата, економските активности на граѓанските организации и филантропијата. “Унгарските граѓански организации, на пример,” вели Ратзен, “55% од приходите ги обезбедуваат од економските активности, 27% од владата, а 18% се резултат на филантропија”. Македонија за жал е исклучок од овие текови.
Македонските граѓански организации, според истражувањето што Институтот за трајни заедници го направило во 2002 година, во најголем дел (74%) се финансираат од грантови обезбедени од домашни или странски фондации, по 4% од приватниот сектор и од донации од индивидуалци, 8% отпаѓаат на Владата, а 10% се сопствени средства на организациите. “Факт е”, вели Зоран Стојковски од ЦИРа, “дека македонските граѓански организации слабо успеваат да мобилизираат ресурси. Дури, приватниот сектор многу повеќе се занимава со мобилизирање средства отколку граѓанскиот”, додава Стојковски.
Ставајќи го акцентот на мобилизацијата на средства, еден од воведничарите, Никол Ширак ги советуваше граѓанските организации да внимаваат на терминологијата што ја употребуваат и трпеливо да ги воведуваат граѓаните во работата на своите организации. “На мобилизацијата на средства и претходи процес на инспирирање на потенцијалните донатори, објаснување на целите на организацијата, објаснување на целите за кои се употребуваат средствата. Бидете подготвени,” вели Ширак, “ефектите нема да дојдат веднаш, некогаш се потребни и една-две години за да почнат да доаѓаат донациите, сепак тоа се случува”.
На панелот, Петар Наумоски, претставник на Генералниот секретаријат на Владата на РМ ги запозна присутните со идејата за основање одделение за работа со граѓанските организации и намерата на Владата да направи Стратегија за работа со граѓанскиот сектор. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
