|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
НВО инфоцентар
Покриеноста на Саемот на НВО поголема од лани
Конечните резултати од мониторингот на медиумите покажуваат дека електронските и печатените медиуми покриле 21,6 отсто од настаните на Саемот што е за 9,9 отсто повеќе од минатогодишното медиуско покривање на НВО Саемот
„Кај електронските медиуми набљудувани беа централните информативни емисии и според резултатите, емитувани се 19 прилози поврзани со НВО Саемот или: на МТВ1 - четири, А1 - четири, Сител - четири, Канал 5 - четири, Телма - три. На МТВ 1, од 120 минути отстапени за централните вести во набљудуваниот период, шест минути или 5 отсто биле посветени на прилозите од НВО Саемот, на А1 - 7,5 отсто, Сител - 6 отсто, Канал 5 - 9,1 отсто и Телма - 5 отсто.Од вкупно 74 настани колку што беа предвидени со програмата на на НВО Саемот, телевизиите известија за 7 што е 9,5 отсто од вкупната бројка“. Оваа статистика од резултатите од спроведеното набљудување на покриеноста на 4 Саем на НВО во медиумите ја презентира Билјана Бејкова од Инфоцентарот, на прес-конференцијата одржана во нивните простории, на 21 декември годинава, во Скопје.
За време на одржувањето на Четвртиот форум на граѓанско општество во Македонија што се случуваше од 3 до 5 декември 2004 година, НВО инфоцентарот во соработка со Советот за радиодифузија на Република Македонија спроведе мониторинг на медиумите. Целта на набљудувањето беше да се увиди во колкав обем и како медиумите известувале за НВО Саемот, како манифестација на која се презентираат голем број цивилни организации и нивните активности.
Во процесот на набљудување беа опфатени националните ТВ-концесионери, јавниот сервис и дневните печатени медиуми на македонски јазик.
Понатаму, Билјана Бејкова ги презентира и резултатите од набљудувањето на печатените медиуми: „Во печатените медиуми беа објавени вкупно 22 статии за Саемот за невладини организации - во Дневник пет статии, во Утрински весник четири, во Вест една, во Време четири, во Вечер три, во Нова Македонија две и во Македонија денес две статии. Од вкупниот број настани предвидени во програмата на Саемот, весниците покрија 16 настани или 21.6 отсто“, додаде Бејкова.
Конечните резултати од мониторингот на медиумите покажуваат дека електронските и печатените медиуми покриле 21,6 отсто од настаните на Саемот што е за 9,9 отсто повеќе од минатогодишното медиуско покривање на НВО Саемот.
Најинтересни за медиумите, според информациите од Инфоцентарот, биле темите поврзани за процесите на евроинтеграција, корупција во владините структури и високото образование, активностите на Координативното тело за заштита на локалитетот Градиште-Кале и Меѓународниот ден за хендикепираните.
Д. Медароски
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
