|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Организатор: Организациски одбор
Пленарна сесија: “Промени во законот за Здруженија на граѓани и фондации- организации од јавна корист”
Со промените, правни лица ќе имаат можност да формираат Здруженија на граѓани, ќе биде избришан условот основачите да имаат државјанство, постои можност тие да можат да работат и пред формално да бидат регистрирани, а малолетни граѓани, исто така, ќе добијат можност да основаат Здружение на граѓани.
Воведничарот Борче
Давитковски, професор на Правниот факултет појасни дека Законот за Здруженија на граѓани и фондации - Организации од јавна корист е донесен во 1998 година, но некои работи останаа недоречени, посебно за организациите од јавен интерес. Преку реформата на јавната администрација, дел од граѓанскиот сектор ќе преземе дел од одговорностите на јавниот сектор за да се олесни самиот процес на пренесување на државните функции на ОЈИ. Неопходна е и хармонизација на нашето со законодавство на земјите од Европската унија, а со промените ќе се прецизира и можноста Здруженија на граѓани да се трансформираат во Фондации, да се напушти територијалниот и да се потенцира функционалниот пристап. Со промените им се дава можност на правни лица да формираат Здруженија на граѓани, а нема да биде потребно основачите да имаат државјанство. Со промените се предвидува и можност Здружението на граѓани да работи и пред формално да се регистрира, а малолетни граѓани ќе добијат можност да основаат Здруженија на граѓани.
Наташа Габер – Дамјановска, професор на Институтот за социолошки и политичко-правни истражувања, побара промените на законот да се вклопат и во правниот систем, што подразбира промени во фискалните закони.
Даг Ратцен од Меѓународниот центар за непрофитно право, Унгарија, се задржа на прашањето како да се одреди кои активности се од јавен интерес, а кои не се. Потребно е да постои целна група, која од некоја причина е запоставена од општеството, да нема конфликт на интереси, да се ограничи платата на вработените во организацијата и да се забрани нејзина трансформација во профитна организација. Исто така, треба да се дефинира кој ќе решава за овие организации и дали тие ќе се регистрираат во суд или во Министерството за финансии.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
