|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Национални консултации
Соработка на Светска банка со граѓанското општество
Искуствата и препораките од националната консултација во Скопје ќе бидат разгледувани на Светскиот политички форум кој ќе се одржи од 20 до 22 април 2005 година во Вашингтон, САД
Во организација на Македонскиот центар за меѓународна соработка, од страна на формираниот Зеднички комитет за фацилитирање на соработката меѓу Светска банка и граѓанското општество, на 29 март во Клубот на пратениците во Скопје се одржа еднодневна национална консултација за соработката меѓу Светската банка и граѓанското општество.
Целта на консултацијата беше да се испитаат искуствата на граѓанските организации во соработката со Банката и да се извлечат конкретни препораки за нејзина поголема транспарентност, отчетност и одговорност во однос на потребите на граѓанското општество.
Заедничкиот комитет за фацилитирање на соработката меѓу Светска банка и граѓанското општество е транзициско тело составено од високи претставници на национални и меѓународни мрежи на граѓанското општество и раководството на Светската банка. Воспоставен е во октомври 2003 година за да го олесни дијалогот за потребите на граѓанското општество, но и да ги постави основите за подлабоки, посодржајни и пошироки можности за соработка со граѓанското општество. Неговиот мандат трае до април 2005 година. Комитетот составува документ за дискусија како предлог за подобрување на политиката и практиката на Светска банка за соработката со граѓанското општество, во кој ќе бидат вградени и презентираните искуства и препораки од националната консултација во Скопје, а истите ќе бидат разгледувани како дел од Светскиот политички форум кој ќе се одржи од 20 до 22 април 2005 година во Вашингтон, САД. Претставниците на граѓанските организации од Македонија, поделени во две групи, работеа на идентификување на клучните предизвици за соработка, понудија свои препораки кои се темелат врз стекнатото практично искуство и одбраа свои претставници кои истото ќе го презентираат на Светскиот политички форум.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
