|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Активности на ГПМ
Промовирани три публикации од областа на законската рамка за граѓанските организации
Македонски центар за меѓународна соработка (МЦМС) и Центарот за институционален развој (ЦИРа), на 19 февруари оваа година, промовираа три публикации од програмата за работа на Граѓанската платформа на Македонија од областа на законската рамка за граѓанските организации.
На промицијата беа презентирани публикациите „Јавниот интерес и граѓанските организации“ и „Економски активности на граѓанските организации“ издадени од МЦМС во соработка со ЕЦНЛ и „Социјални услуги и самофинансирачки активности на граѓанските организации“ подготвена од ЦИРа.
“Целта на публикаците е да придонесат во подобрувањето на правната и на фискалната рамка за граѓанските организации и во мобилизацијата на ресурси”, рече Емина Нурединоска, соработник на проекти во МЦМС и ко-автор на публикацијата „Јавниот интерес и граѓанските организации“.
Таа додаде дека публикацијата треба да послужи како лобирачка алатка и основа за формулација на нови законски одредби за статусот од јавен интерес за здруженијата на граѓани и фондациите, што ќе значи и создавање на услови за домашен систем на поддршка за одржливост на граѓанскиот сектор.
Катерина Хаџи-Мицева, постар правен советник во Европскиот центар за непрофитно право и ко-автор на публикацијата „Економски активности на граѓанската организација“ изјави дека и оваа публикација е резулатат на потребата да се придонесе кон надградбата на правната рамка за граѓанските организации особено во делот на можноста за директно вршење економски активности од страна на граѓанските организации што претставува основен извор за нивна финасиска одржливост секаде во светот.
„Целта на ЦИРА како издавач на публикацијата „Социјални услуги и самофинансирачки активности на граѓанските организации“ е да ги приближат практиките на реализирање услуги и економски активности од страна на граѓанските организации во Република Македонија врз основа на извештајот од истражувањето„, истакна Зоран Стојковски извршен директор на ЦИРА и ко-автор на публикацијата „Социјална услуга и самофинансирачки активности на граѓанските организации.
Тој рече дека целта на публикацијата е да се стекне разбирање за потребите од поддршка на непрофитните организации и на организаците во заедниците кои сакат да ја диверзифицираат својата основа на приходи преку социјални услуги и економски активности. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
