|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Тркалезна маса:Закон за спречување на судир на интереси
“Мислете на сите, а не само на своите “
Законот за спречување на судир на интереси се уште не е влезен во собраниска процедура, но работниот текст асоцијацијата Транспарентност - Македонија го достави до Министерството за правда.
“Повеќе од јасно е дека закон за спречување судир на интереси мора да постои како посебен закон. Овој закон заедно со законот за слободен пристап до информациите,кој пак, е во собраниска процедура, се значајни ставки во борба против корупцијата”, истакна Оливера Китановска од Транспарентност-Македонија.
Виолета Атанасовска од Министерсвото за правда потенцираше дека во одредени закони како што е Законот за спречување корупција или во Законот за државни службеници постојат одредени акти со кои е регулиран делот за спречување на судир на интереси, но тоа сепак не е доволно. “Потребен е посебен закон, впрочем тоа е препорачливо за сите екс-социјалистички земји, потребна е посебна правна рамка со која ќе се утврдат мерките и активностите со кои ќе се спречи воопшто да дојде до судир на интереси”, објасни Атанасовска.
На прашањето на Златко Митревски, економист од центарот Примеко, кој се треба да се едуцира за да се имплементира законот Атанасовска одговори дека таа очекува на функционерските места да дојдат луѓе кои се веќе упатени во работата и кои ги знаат своите надлежности, но кои знаат што смеат, а што не смеат да направат за време на својот мандат.
“Закон за спречување судир на интереси е закон кој пред се треба да ја подигне демократска политичка култура на високо ниво. Со неа се одредуваат рамките на легитимноста и непристрасноста, и се одредуваат стандарди во однесување на оние кои се на јавните должности. Од друга страна со постоење на еден ваков закон и граѓаните ќе знаат што да очекуваат од вработените во јавната администрација. Доколку навреме не се спречи судирот на интереси тоа е веќе корупција.”, истакна Живко Темелковски од Министерство за финансии.
Учесниците на панелот се согласија дека најдобра превентива од судирот на интереси е информациите да бидат достапни, да профункционира е-влада, да се информира јавноста благовремено, затоа што затвореноста на институциите е една од причините за појавата на судирот на интереси, а со самото тоа и на корупцијата.
Инаку, Транспарентност-Македонија веќе подолго време ја води кампањата “Мислете на сите, не само на своите”, а кампањата е помогната и од Министерството за надворешни работи на Финска.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
