|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Активности на „Акција Здруженска“
Мерење на трошоци од семејно насилство врз жените во РМ
Акција Здруженска, во соработка со Институтот за истражување на економски политики (ИЗИНЕП) беше вклучена во реализацијата на проектот "Мерење на трошоците од семејното насилство врз жените во Р. М.", финансиски поддржан од УНИФЕМ.
Основна цел на проектот е да се направи приближна пресметка на трошоците од семејното насилство врз жените за 2006 година со што ќе се потенцира не само социјалната, туку и економската димензија на овој општествен проблем. Проектот се фокусира на мерење на трошоците од семејното насилство, што општеството ги плаќа преку здравствениот, социјалниот, полицискиот и правосудниот систем во земјата, како и трошоците на самите жртви и на невладините организации што работат на тоа поле.
За успешна реализација на проектот оваа невладина организација беше вклучена во реализација на консултирање на инструментите за теренска работа (прашалници и интервјуа), прибирање на информации за случаите на семејно насилство врз жените, прибирање на информации за кривичните случаи на семејно насилство врз жените, спроведување, 4 длабински интервјуа со судии кои одлучувале при случаи на семејно насилство врз жени и 2 длабински интервјуа со јавни обвинители кои работеле на случаи на семејно насилство врз жени.
Министерството за труд и социјална политика, започнаа кампања со која ќе ги информираат граѓаните за заштитните мерки кои можат да ги добијат, доколку се жртви на семејно насилство. Акцијата е започната во пресрет на меѓународен ден за елиминација на насилството врз жените. Започнатата акција е дел од меѓународна кампања, која ги повикува државите да издвојат доволно средства и да го санкционираат семејното насилство.
Понатамошните активности на Акција Здруженска се одвиваат во следниве области: родова интеграција, насилство врз жената, информациски иницијативи и глобален пристап.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
