|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Секторска работилница
НВО и нивната улога во изборниот процес – пост фестум
Секторската работилница на тема “Улогата на НВО во изборниот процес”, последната која се одржа на првиот ден од НВО саемот (29.10.2002, од 18,30 до 20 часот), покрена широка дискусија по воведните излагања на Башким Мислими (Толеранца, Струга), Сашо Додовски (Младински културен центар, Битола), Роберто Беличанец (Центар за развој на медиумите, Скопје) и Пеце Талески (ОХО, Скопје). На работилницата, со која претседаваше Маријана Иванова, беа поставени прашања за потребата од вклученоста на невладините организации во активности поврзани со изборите, за разграничување на тие активности од она што значи промоција на одредени партиски интереси, за активностите кои треба да уследат во наредниот период и стратегијата која треба да се определи за идните активности од оваа сфера…
Беше заклучено дека НВО истапија како значаен фактор во изборниот процес, дека се промовираа како граѓанска платформа насочена кон демократските процеси и дека успеаја да дадат голем придонес кон остварувањето на фер и демократски избори. Но, самокритично, претставниците на НВО кои учествуваа во изборниот процес ги нагласија и слабостите на своето делување, како што е преголемата врзаност за донаторите, непостоењето соработка со бизнис-секторот, присутноста и на пасивно “учество” од некои организации и слично.
Во дискусијата, се исфилтрираа неколку моменти како насочници кон идното работење на невладиниот сектор: изградба на граѓанска избирачка култура, остварување поголема соработка со државните органи, со медиумите и бизнис-секторот, како и искористување на довербата која е стекната во јавноста, односно, како што се изрази еден од воведничарите, “на поволниот ветер во нашите едра”.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
