|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
ПДАС Меѓаши
Глобалната Недела на Акција 2008
Првата детска амбасада во светот – Меѓаши оваа година повторно ја организира Недела на глобална акција - Global Action Week (GAW) на национално ниво. Во рамките на оваа недела ќе се спроведат повеќе активности. Глобалната Недела на Акција ќе трае од 21 до 28 април 2008 година, додека главниот настан World Biggest Lesson ќе одвива на 23 април 2008 година. На овој ден планирано е да се одржи Најголемиот Училиштен Час, во што поголем број на училишта низ градовите во Републиката, додека централниот случување ќе се одвива во основното училиште “26 Јули” во општина Шуто Оризари во Скопје, во 10.00 часот. За таа цел ќе бидат поканети членови на граѓански организации кои се активни во сферата на образованието на младите, новинари, лидери на политички партии, Градоначалникот на Скопје, Премиерот, Претседателот на Државата и јавни личности кои би сакале да дадат придонес во Глобалната Кампања за Образованието.
The Global Campaign for Education (GCE), Глобалната Кампања за Едукација се потпира на Правото на образование, се повикува на Крај на сите форми на исклучување од квалитетното образование, се залага за вклучување на СИТЕ во образовниот процес како нивно основно право. GCЕ презема акција преку оваа кампања да ги потсети лидерите на државите ширум светот на ветувањето кое го имаат дадено за вклучување на сите во образованиот процес. GCЕ e кампања која има за цел да стави крај на широката криза во образованието и чија мисија е да обезбеди секоја влада да биде активна во спроведувањето на правото на бесплатно и квалитетно образование за секое девојче, момче, маж, жена.
Во Република Македонија има над 18.500 деца кои не се во можност да бидат дел од образовниот процес. Нашата акција представува апел до сите лидери на Република Македонија, да дејствуваат во правец на искоренувањето на неписменоста и исклучувањето на децата од образованието. Затоа оваа година кампањата се фокусира на пренесување на пораките од децата, организациите, училиштата кон политичарите. Враќањето на политичарите во училишните клупи е само еден чекор и сето тоа укажува на големата потребата за квалитетно образование и образование на сите без разлика на возраст, пол, раса, етничка припадност, религија и други различности.
Повеќе податоци можете да најдете на: www.childrensembassy.org.mk или на www.campaignforeducation.org |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
