Оглас

Курсеви на МЦМС во месец октомври

Македонскиот центар за меѓународна соработка е организација на граѓанското општество што работи во областа на одржливиот развој, градењето на свеста и социјално–хуманитарната помош.

Трансферот на знаења и вештини  преку обука и консултаци е основна компонента во  сите програми на МЦМС уште од неговото формирање во 1993 година.

Во програмите: Градење на капацитетите на граѓанските организации (ГКГ) и Оспособување на заедниците и институциите (ОЗИ) во месец октомври, 2004 год., МЦМС ги организира следниве курсеви:

Обука	програма	време на одржување	краен рок за пријавување	цена на обуката (МКД)
Институционален развој и организациско јакнење	ГКГ	4-9 октомври	29 септември	20.000,00
Раководење со човечки ресурси	ГКГ	20-22 октомври	14 октомври	10.000.00
Стратешко планирање	ОЗИ	27-29 октомври	15 октомври	9.500,00

Услови

- За сите 3 курсеви патните трошоци од местото на живеење до местото на одржување на курсот се на сметка на учесниците.

- За обуките: „Институционален развој и организациско јакнење и “Раководење со човечки ресурси“ можат да конкурираат членовите на граѓанските организации во Р. Македонија со можност за покривање на 90% од цената на курсот од страна на МЦМС.

- Претставниците на единиците на локалната самоуправа (ЕЛС) и месните/урбаните заедници во партнерство со граѓанските организации можат да конкурираат само за обуката „Стратешко планирање“. Претставниците на урбаните заедници имаат можност да конкурираат за покривање на 90% од цената на курсот, додека претставниците на руралните заедници можат да конкурираат за покривање на 100% од цената на курсот од страна на МЦМС.


Содржина на курсевите

Институционален развој и организациско јакнење

Основна задача на раководителите и поискусните членови во организациите е да работат на развивање на сопствената организација, а со тоа да влијаат и на другите организации во секторот. Примена на концептот на инстиуционален разој и организациско јанење  (ИР/ОЈ)е основа за успешена, ефикасна и ефективна организацијата.

Цели на курсот:

- Стекнување практични знаења и вештини за раководење, стратешко планирање и менаџирање на промени во граѓанските организации;

- Развивање на свесноста за организацијата и нејзините елементи, како и за нејзиното место во надворешното опкружување.

По завршувањето на курсот ИР/ОЈ учесниците ќе стекнат знаења, вештини и ставови за

• примена на алатките на организациска и институционална анализа (СВОТ-анализа, СОР-матрица);
• раководење со граѓанска органзиација;
• примена на концептот на инстиуционален развој и органзиациско јакнење во секојдневното работење.

Профил на учесници: членови/ки на раководството во граѓанските организации.


Раководење со човечки ресурси

Најдрагоцениот ресурс на една оганзација се луѓето (жените и мажите) во неа. Успехот на организацијата најчесто се должи на посветеноста, ентузијазмот, мотивираноста и професионалноста на оние кои работат во неа.

Раководењето со човечки ресурси е клучниот момент во менеџирањето со организацијата. Успешниот менаџер знае да “извлече” максимум од своите вработени, активисти волонтери

Цели на курсот:

- Стекнување практични знаења и вештини за раководење со човечките ресурси (обезбедување, регрутирање, мотивирање на персоналот);

- Примена на моделот на раководење со човечки ресурси како клучен дел од менаџирањето на организацијата.

По завршувањето на курсот Раководење со човечки ресурси учесниците ќе стекнат знаења, вештини и ставови за;

примена на алатките за Раководење со човечки ресурси (опис на работно место, интервју за вработување, оценка на работните достигнувања);
значењето на водството и тимската работа во раководењето со човечките ресурси во организациите.
Профил на учесници: членови/ки на раководствата на граѓанските организации.

 

Стратешко планирање

Основна задача на раководителите во ЕЛС и поискусните членови во локалните здруженија на граѓани е да работат на развивање на сопствената институција/организација, а со тоа да влијаат и на другите институции/организации во секторот. Стратешкото планирање е основа за успешен развој на ЕЛС/организацијата.

Цели на курсот:

- Стекнување практични знаења и вештини за изработка на стратешки планови во ЕЛС и граѓанските организации;

- Развивање на свесноста за институцијата/организацијата и нејзините елементи, како и за нејзиното место во надворешното опкружување.

По завршувањето на курсот Стратешко планирање учесниците ќе стекнат знаења, вештини и ставови за:

• примена на  алатките на организациска анализа (СВОТ-анализа, СОР-матрица);
• значењето на стратешкото планирање за успехот на институцијата/организацијата;
• процесот на изработка  на стратешки планови.

Профил на учесници: вработени во раководството во институциите (единици на локална самоуправа, месни/урбани заедници) и членови/ки на раководствата во граѓанските организации. Пријавувањето е на партнерска основа помеѓу нив, односно задолжително е заедничко пријавување на 2 претставника од институциите и 2 претставника од граѓанските организации кои доаѓаат од иста општина.

 

Пријавување:

Обрасците за пријавување можат да се добијат во просториите на Македонскиот центар за меѓународна соработка , или на веб-сајтот www.graganskisvet.org.mk,

• Профил на НВО - образец (Ворд, 52К)

Пријави (во Ворд-формат)

• Стратешко планирање (81К)
• Раководење со човечки ресурси (97К)
• Институционален развој и организациско јакнење (97К)

Лица за контакт:       Кренар Кука kkk@mcms.org.mk

                                    Димче Митрески dmt@mcms.org.mk

                                    Тел.: 02/3065-381