|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
ДЕМ
Дводневна екошкола за климатските промени
Под мотото „Повик за спас од климатските промени”, Движењето на екологистите на Македонија - ДЕМ организира дводневна екошкола со што го одбележа 21 март, Денот на пролетта и на екологијата. Во школата учествуваа триесетина средношколци од десет средни училишта од Македонија и млади активисти, претставници на исто толку локални еколошки друштва од Куманово, од Скопје, од Битола, од Охрид, од Велес, од Македонски Брод, од Радовиш, од Неготино, од Валандово и од Македонска Каменица. Тие преку постери, ЦД и други материјали се информираа за причините, последиците и решенијата за глобалното затоплување и ефектот на стаклена градина.
По завршувањето на ековикендот, младите како амбасадори за заштита на животната средина своите сознанија ќе им ги пренесат на своите соученици, родители, наставници и пријатели со новото ЦД „Кларити”, кое содржи презентација за климатските промени. Во ова ЦД можат да се најдат одговори на прашањата кои се причините за глобалното затоплување, како тоа влијае на нас и на живиот свет и како да придонесуваме кон заштита на климата.
„Прв пат се организира ваков настан, иако претходно ДЕМ има организирано неколку кампањи за климатските промени. Екошколата беше наменета за деца од 12 до 18 години кои своите искуства понатаму треба да ги пренесат во своите училишта и до пошироката средина”, вели Руска Мицева, потпретседател на ДЕМ.
Организирањето на екошколата го поддржа Канцеларијата за климатски промени при Министесртвото за животна средина и просторно планирање, додека за преводот на македонски јазик и за печатењето на ЦД-материјалот „Кларити” помогнаа Министерството за финансии и Мировниот корпус на Македонија.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
