|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Национален ромски центар
Започна кампања за образование на ромите
На 6-ти февруари, во х. Бест Вестерн, во Скопје, Националниот ромски центар од Куманово, одржа сесија со новинарите, со што практично започна кампањата за образование на Ромите “Клучот е во вашите раце”.
На сесијата со новинарите се зборуваше дека Ромите се судираат со голем број предрасуди кога се известува за нивното секојдневие, често пати тие се синоним за сиромаштијата во Македонија, за социјалните случаи, за злоупотреба, криминал или малтретирање, а ретко се пишува за позитивните примери, за тоа дека има доктори на науки, универзитетски професори или успешни жени.
Денешната дискусија беше посветена на начинот на информирање за проблемите на Ромите и за тоа што е подобро, да се пишува за добрите или за лошите примери во оваа етничка заедница.
Директорот на Управата за развој на образованието на заедниците при Министерството за образование и наука Драган Недељковиќ кажа дека во моментот има 940 средношколци што се стипендираат и кои постигнуваат завиден успех, што докажува дека тие се интелегентни, само треба да се подобрат социјално-економските услови. Тој исто така навести дека во план е отворање на катедра за ромски јазик на Филолошкиот факултет во Скопје и група при Педагошката академија.
Голем дел од учесниците на сесијата се согласија дека ситуацијата со начинот на известување за ромските проблеми ќе се подобри преку вработување на новинари Роми, кои ќе пишуваат за проблемите во своите средини. Во рамките на Програмата за едукација на новинари-Роми на Македонскиот институт за медиуми се обучуваат 12 млади Роми.
Мабера Канбери од Министерството за труд и социјална политика информира дека Македонија доби 1,4 милиони евра во рамките на Декадата на Ромите и дека во земјава на 150 студенти Роми.
“За време на кампања, која ќе трае до јуни оваа година, планираме да ги посетиме сите ромски семејства во Куманово, Скопје и Прилеп, со што ќе ги запознаеме со можностите што им се нудат со Ромската декада во основното, средното и високото образование”, најави Славица Ќурчинска од Националниот ромски центар.
Во рамките на кампањата “Клучот е во ваши раце” ќе биде промовиран документарен филм за образованието на Ромите и ќе се одржи уште една сесија, овој пат со владини и со претставници од локалната самоуправа.
Кампањата е поддржана од Претседателот на Република Македонија, Министерството за образование преку Управата за развој и унапредување на образованието на јазиците на националностите, Министерството за труд и социјална политика, Македонска информативна агенција, градоначалниците на Град Скопје, Шуто Оризари, Куманово, Прилеп, Гази Баба, Ѓорче Петров, Чаир, Совет за радиодифузија, Адвокатската комора на Македонија и Македонскиот институ за медиуми. Додека финасиски е поддржана од Ромскиот едукативен фонд од Будимпешта со вкупна сума од 20.000 евра
Г.Шабани
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
