|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Промоција на програма во организација на ФИООМ
Правата на малцинствата во практика во Република Македонија
Промотори: Хајрие Ахмед, Сретен Коцески, Гоце Тодоровски Фондацијата Институт отворено општество Македонија (ФИООМ) на првиот ден од 4 Саем на НВО ја промовира програмата Правата на малцинствата во практика во Република Македонија.
Како што потенцира раководителот на програмата, Хајрие Ахмед од ФИООМ, во Македонија таа се спроведува со помош на Фондациите Крал Бодуен и Чарлс Стјуард. Таа се спроведува од 2002 година, а ќе заврши во мај, 2005 г. Карактеристично за оваа програма е тоа што за нејзини проекти можат да конкурираат македонски здруженија на граѓани (ЗГ), и тоа на сите службени јазици во земјата.
“Откако започна програмата па досега се реализирани 50 проекти, 41 од ЗГ, а 9 од неформални групи граѓани. Програмата треба да придонесе за граѓанска држава со изградено стабилно мултиетничко општество и таа иницира поддршка на граѓански дијалог за рамноправно учество на етничките заедници во одржлив развој на локално и на национално ниво”, потенцира Хајрие Ахмед.
Координаторот на проектот укажа и на потребите на програмата – активно вклучување на граѓаните во процесите на донесување одлуки и креирање јавни политики, создавање база на податоци за правната регулатива за прашања на правата на етничките заедници, градење капацитети на граѓанскиот сектор и градење партнерства помеѓу институциите, локалната самоуправа и граѓанскиот сектор како модел за граѓански дијалог во насока на развој на заедниците.
Сретен Коцески од Тетово, долгогодишен активист во граѓанскиот сектор, во својот дел од промоцијата нагласи колку е биттен овој дел од општеството, илустрирајќи го тоа со пример од конфликтната 2001 година во неговиот град, каде што, како што рече, граѓанските организации биле тие што први излегле на потребите на граѓаните и на премостување на меѓуетничките недоразбирања.
Во сличен правец размислуваше и Гоце Тодоровски од Центарот за поддршка на ЗГ од Прилеп и еден од промоторите на програмата. Сепак, како најважен столб за правата на малцинствата во практитка тој ја потенцира државната власт на која неминовно треба да & помогне граѓанскиот сектор.
“Треба сите ние да имаме параметри за тоа што сме сработиле на ова поле со кои ќе излеземе пред јавноста, колку и да е апстрактно тоа што го работиме”, додаде Гоце Тодоровски.
За повеќе информации во врска со програмата можете да ја посетите веб-страницата њњњ.иерсе.орг.мк, или да се обратите на електронската пошта на координаторот Хајрие Ахмед, хахмедЖсорос.орг.мк.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
