|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Граѓанска платформа на македонија
ЗАЕДНО ЗА ТРАНСПАРЕНТНОСТ
Граѓанското општество е ефективно само ако е вкоренето во општеството и во јавноста. Тоа пред сe значи и одговорност, вклучувајќи и отчетност пред јавноста на граѓанските организации, особено на оние кои се стремат за јавно добро.
Со цел да се даде придонес кон транспарентноста на работата на граѓанските организации, како придонес кон подобрување на ефективноста на граѓанскиот сектор група граѓански организации, членки на Граѓанската платформа на Македонија, одлучија доброволно по втор пат да ги објават годишните извештаи, вклучувајќи ги финансиските извештаи со независните ревизорски мислења по тие извештаи.
Доброволно, бидејќи немаат законска обврска да го направат тоа, но сметаат дека имаат морална обврска пред јавноста. Најчесто тоа го практикуваат (и е законска обврска) во деловниот сектор.
Охрабрени од минатата година, и оваа година организациите со заедничкото објавување на извештаите упатуваат јасна порака: само транспарентното и отчетно работење е гаранција за градење доверба помеѓу граѓанскиот сектор и јавноста.
Објавувањето на годишните извештаи, финансиските извештаи и независните ревизорски мислења по тие извештаи е еден од основните начини за јакнење на одговорноста.
Сметаме дека ваквата практика е еднакво потребна и во граѓанскиот и во јавниот сектор, и во политичките партии.
Затоа ги повикуваме и другите граѓански организации, единиците на локалната самоуправа, јавните инситуции, државната власт, политичките партии и сите други субјекти да дадат свој придонес во јакнење на одговорноста и отчетноста и да ги објавуваат годишните извештаи, финансиските извештаи и независните ревизорски мислења по тие извештаи.
Ги повикуваме законодавците оваа морална обврска да ја преточат во законска.
Во продолжение имате можност да се запознаете со активностите, со билансот на успех и билансот на состојба, со независното ревизорско мислење за финансиското работење и со структурата на следните граѓански организации: Македонската развојна фондација за претпријатија (МРФП); Македонскиот центар за меѓународна соработка (МЦМС); Постполио група за поддршка Полио плус; Првата детска амбасада во светот „Меѓаши“; Сојузот на организациите на жените во Македонија (СОЖМ); Фондацијата Институт отворено општество - Македонија (ФИООМ) и Центарот за граѓанска иницијатива (ЦГИ), Прилеп.
- Македонска развојна фондација за претпријатија -МРФП
- Македонски центар за меѓународна соработка - МЦМС
- Полио плус
- Прва детска амбасада „Меѓаши“
- Сојус на организации на жените во Македонија - СОЖМ
- Фондација Институт отворено општество - Македонија - ФИООМ
- Центар за граѓанска иницијатива -ЦГИ
Податоците за сите вклучени организации ќе бидат достапни на следните веб-сајтови: www.graganskisvet.org.mk и www.mango.org.mk.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
