|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Регионална конференција за соработка на Владите со граѓанскиот сектор
Невладините организации бараат поголемо учество во креирањето на јавните политики
Поголемо влијание на невладините организации во креирањето на јавните политики е пораката која беше испратена од регионалната конференција „Соработка на владините тела со граѓанскиот сектор“, која ја организираше Одделението за соработка со невладини организации на македонската Влада со финансиска поддршка на Институтот отворено општество „Македонија“ и МЦМС. На конференцијата учествуваа и претставници на владини тела за соработка со граѓанскиот сектор од Словенија, Хрватска, БиХ, Србија, Црна Гора и од Албанија.
Учесниците на конференцијата се согласија дека партнерството на цивилниот сектор со владините тела е посебно важен за развој на фундаменталните демократски вредности на секоја земја.
Генералниот секретар на Владата, Стојан Тодоров на конференцијата истакна дека целта на Владата е да воспостави цврста и коректна соработка со граѓанскиот сектор. Тој рече дека годинава од државната каса се издвоени 15 милиони денари за финснирање на невладините организации, но не ја исклучи можноста за корекција на сумата доколку се утврди потреба од тоа. Според Сузана Никодијевиќ-Филиповска, раководител на владиното Одделение за соработка со цивилниот сектор, еден од приоритетите е да се подобрат капацитетите на граѓанските асоцијации посебно во руралните средини. Таа нагласи дека треба да се спроведува рамката за финансирање на граѓанските организации од државниот Буџет со средствата на лотаријата и на некои други постоечки менахизми, истакна Никодијевиќ-Филиповска.
Според претставниците од невладините организации најголем напредок во соработката со Владата е направен во делот на законите и даночните олеснувања. Нивна препорака е средствата собрани од лотариите што повеќе да се користат за поддршка на проекти од социјално-хуманитарен карактер.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
