|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Институт за трајни заедници
Конкурс за доделување грантови на искусни невладини организации
Институтот за трајни заедници (ИТЗ) во рамки на Проектот за зајакнување на граѓанското општество, финансиран од Агенцијата на Соединетите Американски Држави за меѓународен развој (УСАИД), објавува конкурс за доделување грантови на искусни невладини организации (НВОи) од Република Македонија.
Целта на проектот е да се придонесе зголемување на бројот на НВОи кои во иднина ќе бидат способни да даваат услуги и поддршка на другите НВОи, без да се потпираат на меѓународни организации. Второ е да се унапреди атмосферата во која делува НВО секторот, односно законската регулатива која го уредува нивното работење како и јавното мислење за НВОи. И последната цел и не помалку важна е со личен пример да се покаже градењето партнерство меѓу НВОи.
За таа цел конкурсот за доделување грантови треба да идентификува и развие група од најмногу 8 лидерски НВО кои ќе се приклучат на јадрото од 17 лидерски НВОи вклучени во текот на првите три години од спроведувањето на Проектот. Групата ќе вклучува организации кои ќе бидат фокусирани на конкретни прашања или услуги, мониторинг групи, професионални асоцијации и истражувачки институции. Селекцијата на НВО ќе одразува развновидност во географска локација, етничка и родова застапеност, и лидерство и персонал.
Ќе бидат доделени едногодишни грантови во износ до 25 000 УСД. Покрај грантовите за конкретни проекти за застапување, секоја НВО ќе добие техничка помош, обука и информации за спроведување на проектот и за институционален развој на организацијата.
Проектот ИТЗ ќе го имплементира во козорциум со три НВО- Македонскиот институт за медиуми (МИМ) и центарот за институционален развој од Македонија и со Европскиот центар за непрофитно право (ЦИРА)- регионална организација со средиште во Будипмешта.
Апликациите треба да се достават до канцеларијата на ИТЗ во Скопје до 26 август 2008 г., до 17:00 часот во бараниот формат и со сите потребни прилози. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
