|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Политички менаџмент и инструменти за применета политика во земјите во развој и транзиција - случај Македонија
Дали навистина сакаме да ги спроведеме реформите?
Слабо квалификуван кадар и недостаток на волја – замки поради кои не можеме да одиме напред
Што е она што е суштествено за една земја во транзиција и како да се создадат кадри кои ќе бидат креатори на сите процеси и како тоа да се ефектуира? Основно прашање на панелот Политички менаџмент за применета политика во земјите во развој и транзиција – случај Македонија, во организација на Правниот факултет Јустинијан Прима. Факт е дека за земјите во транзиција, како што е Македонија, приоритет се реформите, но прашање е колку ние ги посакуваме и колку сме подготвени да ги спроведеме?
-Реформите треба да ги канализираме под еден чадор, со јасни цели, а нашата основна цел е влез во Европска Унија. Ако целта е поставена, тогаш треба да има и единствена структура на реформите, без понатамошни талкања. , рече Малинка Јорданова, од Секторот за евроинтеграции додавајќи дека е факт дека Македонија имаше различна транзиција од останатите земји на централна и источна Европа.
-Повеќето земји имаа единствени промени во една насока. Напротив, ние често барајќи идеални решенија ги менувавме законите по неколку пати. Она што треба да се дефинира е односот на државата кон општеството, државата како регулатор, и на крај како стопански фактор, додаде Јорданова.
За Ивица Боцевски, пак, главниот проблем при спроведувањето на реформите е непостоење на квалификуван кадар.
-Не може да одиме напред со луѓе кои ги прегазило времето, а од друга страна погубно е кога на конкурси за работа се јавуваат млади луѓе, високообразовани, но крајно неквалификувани. Не знаат англиски јазик, не знаат да работат со компјутери, не биле никаде на пракса. Тие се тотално неупотребливи, тоа е погубно за развој на една држава.
-Од друга страна, нагласи Боцевски, има реформи кои мора да се спроведат, но треба да се согледа јасно што е нивната крајна цел. Една работа е симптоматична кај нас, а тоа е дека ние влетуваме во реформи, но не знаеме како ќе ги финансираме. Доколку не постојат пари, а без пари реформите не се можни, тогаш проблемите се мултиплицираат. Но, има и отворени прашања за многу реформи. Да речеме новиот Закон за пензионирање. За некои професии да, за други погубен. Земете ги текстилните работнички кои почнуваат да работат со седумнаесет години. Тие веќе на 55 години се зрели за пензија, и нема потреба да чекаат до 62 години. Тоа не го дозволуваат ниту капиталистичките односи на пазарот на трудот. Додека, пак, еден универзитетски професор може да работи многу подолго од она што е пропишано. Кога се спроведуваат реформите мора да се земат сите аспекти в предвид, објасни Боцевски.
-Реформите во општеството се заради подобар и поквалитетен живот. Но, очигледно ние немаме волја да ги спроведеме. Ние не умееме да ја креираме политиката. Кај нас креирање политика значи креирање на убава литература во форма на закон. Не е само до законот. Кај нас нема визија како да се спроведе правото. Законот кај нас е првиот и последниот домен во креирањето на политиката, што од друга страна остава голем простор за манипулација. Не верувам дека владејачките структури се толку неуки, повеќе верувам дека се одлични манипулатори. Од друга страна ако не се спроведуваат реформите кој е одговорен за нивно неспроведување и дали соодветно се казнети оние кои не ги извеле реформите до крај?, праша Панде Лазаревски, професор по применета политика.
Мартин Брусис од германскиот институт Бетерсман рече дека во извештајот на овој институт стои дека Македонија е слаба со реформите во јавната администрација, но и дека Охридскиот договор не е целосно имплементиран. Ова и уште некои негативни поени доведоа до тоа Македонија во општиот индекс да спадне од 39 на 42 место во рамките на европските држави. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
