|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Презентација
Твојот потпис е закон
Во кампањата за законот за хендикеп досега се собрани околу 6 000 потписи Под наслов “Твојот потпис е закон”, во Македонија е во тек кампањата на граѓанската организација Полио плус, за донесување на Закон за заштита на прават и достоинството на лицата со хендикеп, презентирана и пред полна саемска сала на Меѓународниот ден за почитување на човековите права 10 декември.
Воведничарите Жанета Стојкова, Сашо Тодоровски и Наташа Постоловска и презентерот Звонко Шаврески, го насочија вниманието на присутните кон разгледување на проблемите поврзани со законскиот третман на хендикепот, од аспект на дискриминацијата.
За правниот и мошне сложен третман на дискримоинацијата во светот, каде спаѓа и хендикепот, говореше Сашо Тодоровски од Хелсиншкиот комитет во Македонија, кој информираше за актуелните промени во законскиот третман на поимот на дискриминацијата. Укажа на фактот дека уште пред 10 години Советот на Европа се обидел да го редефинира поимот на дискриминацијата, кој претходно правно не можел да се ефектуира, при што се правени и разни предлози, но без голем успех.
Во Советот на Европа се избегнува членот 14 од Конвенцијарта за човекови права, посветен на дискриминацијата, бидејќи како што нагласи Тодоровски, таа сеуште тешко може да се докаже на практичен начин, што се потврдува и со нерешените спорови. Тој информираше и за оформувањето на нацрт - меѓународна конвенција за дискриминација, во ОН , потенцирајќи го нејзиното исклучително значење за земјите во иднина.
Досега за донесувањето на споменатиот законот за хендикепираните лица, се собрани околу 6 000 потписи, од потребните 10.000, законот Тодоровски го подржува и го смета за модел кој бара долгорочен процес на работа, при што се реставрираат дел од старите права и се прилагодува на актуелните закони во Советот на Европа.
“Забраната на дискриминацијата е услов без кој не се може, а водењето на афирмативни акции, е горниот праг кон кој треба да се стремиме” смета Жанета Стојкова, нагласувајќи дека државата е одговорна за афирмативните акции. Таа информираше дека 44 земји досега донеле антидискриминаторски закони или одредби, но нивната практична примена во реалноста е дискутабилна. “Со донесувањето на законот за хендикеп , Македонија ќе биде чекор пред светот, во поставувањето на потребните законски услови” - нагласи Стојкова.
Наташа Постоловска се осврна на состојбата со лицата со хендикеп во Македонија, кои според констатациите од направените истражувања, се чувствуваат целосно маргинализирани. Постоловска презентираше одредени резултати според кои 70 % од испитаниците одговориле дека правата и достоинството на хендикепираните можат да се заштитат со еден, посебен закон.
Димче Каневче, од Коалицијата “Сега”, укажа на неопходноста од промена на состојбата не само со законско регулирање, туку и со подигање на свеста за неопходно актуелизирање на проблемите, за отворање на лицата со хендикеп и нивните семејства кон надворениот свет.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
