|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Женската мрежа ја оценува 2005 година
Хрватска ги занемари воените последици врз жените
Женската мрежа на организации на жените кои работат во Р. Хрватска во својот извештај за 2005 година ги презентира (не)реализираните очекувани поместувања на состојбите во земјата, во остварувања на родовата еднаквост. Анализирани се институционалните механизми во државата, медиумите, образованието, правата на репродукција, положбата на жените на пазарот на трудот, жените и политиката, насилството над жените, трговијата со нив, а е издвоено и поглавјето “Жените и вооружените судири”, кое започнува со констатацијата дека токму во тој сегмент е најмалку направено, во рамките на севкупно поставените цели на Националната политика за периодот 2001-2005 година.
“Хрватска во исто време додека ги слави своите воени победи, или пак ги обележува трагедиите на војната, (понекогаш контроверзно) се однесува како општество во коешто како жените воопшто да не страдале, ниту пак учествувале во воените настани, иако, како и насекаде во светот, 80 проценти од жртвите биле жени и деца. На тоа поле, Хрватска во потполност ги занемари своите обврски од конвенцијата СЕДАВ (ЦЕДАЊ), Пекингшката платформа и Резолуцијата на Советот за безбедност 1325. Симптоматично е што воопшто и не постои службен превод на Резолуцијата, иако претставникот на Хрватска на 587. заседание на Собранието на ОН го изјави следното: ‘Хрватска ќе продолжи со давање поддршка на напорите во рамките на составот на ОН насочени кон вклучување на перспективите на половите во сите активности на ОН. Посветувајќи посебно внимание на рамноправноста на половите како значајна цел, Хрватска смета дека резолуцијата на Советот за безбедност 1325 (2000) е од особено значење за жените, мирот и сигурноста во контекст на сочувување на мирот и постконфликтните напори”.
Јавноста во Хрватска воопшто не е запознаена со содржината на резолуцијата на Советот за безбеднот на ОН, а неодамнешното одбележување на петгодишнината, која беше одбележана во целиот свет, овде не наиде на никаков одглас. Меѓу популацијата, учесници во војните, страдалници, бегалци и повратници, воопшто не се препознаени специфичните интереси и потреби на жените, а тежиштето исклучиво е фрлено на милитаристичките учесници во војната, кои станаа и значаен сегмент во работата на Министерството за семејство, меѓугенерациската солидарност и бранителите. Последиците од таквото ‘одрекување’ се повеќеслојни и опасни за целото општество. Не постојат посебни програми, ниту грижа за жените жртви на военото насилство, за жените бегалци и повратници, не постојат истражувања, не постои проширена свест за поврзаноста меѓу милитаризмот, национализмот и родовата проблематика, не постои свест за поврзаноста на насилството и последиците од војната. Жените не се вклучени во мировни преговори, во државните иницијативи и во активностите за нормализација на состојбата во регионот, ниту во мировните процеси, иако беа носители на мировните иницијативи и дијалози. Не постојат и не се истражени политики на санирање на последиците од военото сексуално насилство над жените”- стои, меѓу другото, во извештајот на Женската мрежа.
Женската мрежа бара од владината Канцеларија за полова рамноправност во својата програма и приоритети да вгради и прибирање информации и истражување за последиците од војната врз женската популација, за жртвите на военото насилство, за состојбата со правата на жените жртви на насилство, прибирање информации и истражувања за состојбите и специфичните потреби на жените бегалци и повратници, финансиска и организациска поддршка на женските организации во подрачјата настрадани од војната, посебни проекти за помош на жените воени страдалници, бегалци и повратнички и др. Членките на Мрежата потенцираат дека најмал степен на соработка реализирале со Министерството за наука, образование и спорт.
Женските организации минатата година имале недоволен пристап во процесите на подготовка на програмите, политиките и законите што се однесуваат на статусот нас жените, немале увид во предлозите на законските акти пред тие да бидат усвоени, ниту пак биле вклучени како членки на работните тела.
Во текот на 2005 година, од севкупните извори на државниот буџет доделени на невладиниот сектор, членките на Женската мрежа на Хрватска учествувале во распределбата на средствата со 8,22%.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
