УНДП

Примена на Законот за родова еднаквост во БиХ

УНДП ќе поддржи примена на Законот за родова еднаквост во Босна и Херцеговина – „Развој на капацитет и партнерство помеѓу владите и граѓанското општество за родова еднаквост“. Крајната цел на овој проект е заштита и промоција на родовата еднаквост и придонес во развитокот на земјата врз база на човековите права.

Активностите на проектот опфаќаат, меѓу другото, воспоставување  Родова агенција на државно ниво, во рамки на Министерството за човекови права и бегалци, што треба да има блиска соработка со два родови центри, на ниво на ентитети, и развој на партнерство помеѓу владите во БиХ и организациите од граѓанското општество.

Исто така, се предвидуваат и кампањи за јакнење на јавната свест и обука на обучувачи (судии, учители, службеници во НВО, итн.). Главните точки на проектот опфаќаат активности за развој на капацитети кои промовираат родова еднаквост при учество во јавните работи, образованието, здравството, медиумите, економски можности и пазарот на труд, како и елиминација на насилството во чија основа лежат родовите разлики.

Проектот се планира да трае две години, со буџет од 275,000 долари.

Парламентот на Босна и Херцеговина го ратификува Законот за родова еднаквост во март оваа година. Овој закон се смета за прв сеопфатен и употреблив закон за родови одности во регионот.

Г.Ш.