|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Мобилизација на ресурси
АУКЦИЈАТА КАКО ЕДНА ОД НАЧИНИТЕ ЗА ПРИБИРАЊЕ СРЕДСТВА
Женската граѓанска иницијатива “Антико” е мултиетничка НВО-мрежа, основана во 1999 год. од страна на 14 лидерки од женски НВО од 7 локални заедници на Р. Македонија.
Нејзината мисија е промоција на културата на мирот и ненасилството, преку создадавање сигурен заеднички простор за реализирање на заедничките цели, а тие се:
- Подобрување на положбата на жените во македонското општество;
- Развој на мултиетничките односи и соработка, како и активно учество на жените во идентификувањето и решавањето на проблемите и потребите на заедницата и градењето на граѓанското општество.
Во моментот женската граѓанска иницијатива “Антико” спроведува три програми: Мир со себе, мир со сите; Жените и општеството; и, Поддршка во јакнење на организациските, институциналните и техничките капацитети на НВО-членките.
Хуманитарниот настан, под мотото „За живот без насилство”, произлезе како иницијатива од страна на обучениот тим за прибирање средства, во рамките на проектот „Јакнење на капацитетите на селектирани организации”, кој е финансиски поддржан од ЕАР (Европската агенција за реконструкција), а спроведуван од ДРЦ (Данскиот совет за бегалци).
Аукцијата беше организирана со цел да се приберат финансиски средства за набавка на легла и неопходна придружна опрема за Кризниот центар „Надеж” (организација членка на мрежата на “Антико”), како и за дополнителни активности на мрежата од оваа област.
Структурите и членките на “Антико” се многу задоволни од оваа успешно организирана активност. За да биде аукцијата успешна, свој придонес дадоа сите оргнизации членки на мрежата, групи и индивидуалци, владини институции, бизнис-секторот, медиумите, како и голем број уметници.
Сумата којашто беше собрана од донации и од продажба на предметите коишто беа изложени на аукцијата достигна до 78.980.00 денари, и тоа: финансиски средства, префрлени на жиро-сметката од страна на организации и поединци - 19.000.00; донации за време на настанот - 4700.00 ден; од продажба на билети - 9500.00 денари; од продажба на предмети од тивката аукција - 37.710.00 денари; и, од продажба на предмети од гласната аукција - 8070.00 денари.
На аукцијата учествуваа околу 200 лица, претставници од амбасадите во Р. Македонија, претставници од локалната власт, од владиниот сектор, од бизнис-секторот, како и претставници од меѓународни и од домашни невладини организации.
Покрај набавката на леглата и придружната опрема за Кризниот центар „Надеж”, “Антико” даде свој придонес за поттикнување на развојот на граѓанското општество во Македонија со вклучување на граѓаните во идентификување на проблемите и потребите во заедницата, воспостави соработка помеѓу владините институции, медиумите, бизнис-секторот и невладиниот сектор. Антико со организирање на овој настан исто така даде придонес и кон градењето на свеста и културата за донирање и волонтеризам.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
