|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Во Македонија се одржа првиот Европски ден на претприемачот
“НИ ТРЕБА ПОВЕЌЕ ПРТПРИЕМНИЧКИ ДУХ”
албански
Оваа година за првпат во Македонија се одржа манифестацијата „Европски ден на претприемачот”. На 9 и на 10 мај, на Скопскиот саем, се одржаа 11 семинари на коишто на повеќе од 500 присутни им се обратија околу 50 говорници. На саемот на претприемништвото учествуваа 60 компании од земјите од регионот (Србија и Црна Гора, Косово, Босна и Херцеговина, и Македонија), како и организации за поддршка на претприемништвото.
Организатори на манифестацијата беа Министерството за економија на Република Македонија, Градот Скопје, Агенцијата за поддршка на претприемништвото на РМ - АППРМ, Европската бизнис-асоцијација - ЕБА, Македонската развојна фондација за претпријатија - МРФП, Академска тренинг асоцијација (Ацадемиц Траининг Ассоциатион) – АТА, со поддршка од Делегацијата на Европската комисија.
Како се разви идејата
„Проектот го започнавме во јуни 2005 година”, вели Димитар Ристовски, директор на Европската бизнис-асоцијација (ЕБА), еден од организаторите на „Европскиот ден на претприемачот”. „Откако ја добивме поддршката од Делегацијата на Европската комисија и на Градот Скопје, дознавме дека и Министерството за економија на РМ, заедно со АТА од Холандија, планираат Денот на Европа да го прослават со одржување саем на претприемништвото на претприемачите од Југоисточна Европа. Имајќи предвид колку се слични нашите идеи, се договоривме заедно да го организираме настанот”, вели Ристовски.
Потоа се вклучиле и другите поддржувачи на манифестацијата. „Поаѓајќи од претходното позитивно искуство, Македонската развојна фондација за претпријатија (МРФП) се вклучи во организацијата на овој настан”, вели Тетјана Лазаревска од МРФП. „Сметавме дека ова е одлична можност да ги споделиме досегашните искуства и да ги отвориме прашањата коишто претставуваат тесни грла во работењето на претприемачите”, додава таа.
Европската бизнис-асоцијација го добила правото на користење на логото и насловот на настанот „Европски ден на претприемачот”.
Целта на настанот е да се развива претприемништвото и да се овозможи едно место на коешто владините институции, локалната самоуправа и претпримачите ќе разговараат за политиките за развој на претприемништвото.
Што понуди манифестацијата
Европскиот ден на претприемачот имаше два дела, еднот форумски, а другиот изложбен. На првиот, учесниците и посетителите имаа можност да слушнат за европските политики за поддршка и развој на претприемништвото, за претприемничкото учење, за кластерскиот пристап кон развојот на претприемништвото, за претприемништвото во локалната самоуправа, за можностите за финансирање на малите и средните претпријатија, за начините за зголемување на извозот во ЕУ преку подобрување на квалитетот, иновацијата, промоцијата и стандардизацијата, потоа за зголемувањето на меѓуграничната соработка со елиминирање на трговските бариери итн.
Во изложбениот дел, шеесетина компании од регионот имаа можност да покажат што работат и да воспостават контакти за нивната идна соработка. „За саемскиот настан дознавме од АТА, која истовремено ни ги покри транспортните трошоци и трошоците за престој во Скопје”, вели Бајрам Бинаку, од Фабриката за пиво во Пеќ, една од компаниите што ги изожи своите производи на Европскиот ден на претприемачот. „Ние како компанија редовно учествуваме на вакви настани и ова е третпат да сме во Скопје. Целта на нашето учество е да создаваме контакти со претприемачи од регионот и да го пласираме повторно нашиот производ, имајќи предвид дека порано нашето пеќко пиво беше многу познато. Ние сме задоволни од нашето претставување овде како од наша страна, така и од организаторот”, додаде Бинаку.
И „Абакус комерц” учествуваа во изложбениот дел на Европскиот ден на претприемачот. „Сметавме дека саемот е одлична можност да ги запознаеме фирмите и другите организации коишто имаат потреба од печатење информативни материјали, со нашата работа. Имаме забелешка на поделбата на просторот во којшто се презентираа организациите и компаниите, сметаме дека единствен простор ќе беше попродуктивен за нас, но што е, тука е”, рече Љубен Сараѓиновски, графички дизајнер во „Абакус комерц”. Тие очекуваат дека 3-5% од вкупно остварените контакти ќе вродат со понатамошни деловни резултати.
Што понатаму
„Мислам дека завршивме добра работа”, вели Димитар Ристовски од ЕБА. „Можеби настапивме амбициозно, ама ги реализиравме плановите. И првичните реакции од излагачите и учесниците се позитивни, што посебно н$ охрабрува”, додава тој.
„Идејата е да го востановиме овој настан како традиционален, да се добие претстава дека овој настан постои. Сакаме цел на овој настан да бидат и студентите и младите невработени лица”, вели Ристовски и додава: „Но, сакаме и да се смени менталитетот кај младите луѓе, да бидат свесни дека тие самите би требало да си овозможат работа, а не да ја чекаат од друг. Затоа мислам дека е потребна промена на свеста, ни треба повеќе претприемнички дух”.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
