|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Емилија Симовска
Не би можела да лажирам резултати од истражувања
Професионално искуство
Сиот работен стаж од 26 години го имам посветено на научно-истражувачката дејност. Сите фази од учењето на занаетот ги имам поминато во Институтот за социолошки и политичко-правни истражувања. Во почетокот, како и сите помлади асистенти, работев на различни области, не секогаш по мој интерес, но последниве 15 години работам повеќе на проблематиката на етничките односи и нивните безбедносни импликации. На постдипломските студии во Институтот предавам Политичка култура и комуникации, а на Американскиот колеџ - Односи со јавноста.
Ангажирање во граѓанскиот сектор
Повеќе години бев во Управниот одбор на Институтот Отворено општество - Македонија. Таму дојдов во контакт со голем број ГО, со коишто продолжив да соработувам. Имам повеќе пати работено на проекти од МЦМС. Им помагам на малите граѓански организации да направат проекти. Голем дел од времето посветувам на оваа сфера.
Хоби и интереси
Хоби немам. Освен она што го работам, ме инетересира спорт, главно фудбал и автомобилски трки.
Најтешка одлука
Не би можела да наведам, зашто кога донесувам одлуки, обично сум сосема сигурна во тоа што го правам, па не ми се тешки. Можеби сум имала среќа да не се соочам со дилеми.
Амбиции
Да не се доведам во ситуација во којашто би била принудена да отстапам од некои мои принципи.
Во слободното време чита
За жал, само стручна литература; Ја има премногу, па ретко имам време за белетристика и обично ги пропуштам или доцнам со многу други книги коишто вредат да се прочитаат.
Каде оди во слободното време
Пешачам, а потоа во некое кафуле.
За време на викендите
Викендите често не ми се разликуваат од работните денови. Но кога ми се слободни, главно ми се исполнети со семејни обврски, посети на пријатели и сл.
Кој национален/локален проблем го смета за особено важен и зошто?
Почитување на законите. Мислам дека кога тоа би се остварило, во Македонија с$ друго ќе биде подобро.
Кој глобален проблем го смета за особено важен и зошто?
Заштитата на околината (без неа нема да има проблеми, но ни луѓе).
Што би променил/а во Македонија и во светот?
Луѓето и нивната вредносна матрица. Се разбира, тоа не е можно.
Совет/порака
Не верувам во широко упатени пораки. Ни самата не ги слушам.
Кога советувам, тоа се однесува на чесност и професионалност; но, претходно треба да сум убедена дека советите имаат смисла за тие што ги слушаат.
Никогаш не би можел/а
Не би можела да лажирам резултати од истражувања, како што го прават тоа некои мои колеги за да им се додворат на политичките партии.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
