Прага
Стипендии за новинари/студенти од Балканот
ТОЛ (Transitions Online), непрофитна организација со седиште во Прага, а создадена за поддршка на развојот на силни и независни медиуми, ќе ги организира следните летни обуки за новинарство и медиуми: „Истражувачко новинарство” (21-30 јули), „Обука за странски дописници” (21-30 јули), „Основи на новите медиуми” (8-13 јули).
Ограничен број делумни (половични) стипендии им се достапни на учесниците од: Албанија, Ерменија, Азербејџан, Белорусија, БиХ, Бугарија, Хрватска, Чешка, Естонија, Грузија, Унгарија, Казахстан, Киргистан, Летонија, Литванија, Македонија, Молдавија, Монголија, Црна Гора, Полска, Романија, Русија, Србија, Словачка, Словенија, Таџикистан, Туркменистан, Украина и Узбекистан. За повеќе детали во врска со курсевите, погледнете на http://journalism-courses.tol.org.
ЕАР
ЕУ обезбеди нова канцелариска опрема за студенската организација АИЕСЕК
Европската Унија обезбеди грант за опремување на канцеларијата во Скопје на најголемата студентска организација во светот, АИЕСЕК. Проектот, раководен од страна на ЕАР, е дел од тековната поддршка на ЕУ на граѓанското општество и на невладините организации во Македонија. За повеќе информации, посетете ја страницата http://www.ear.eu.int/news/news.htm.
ЕУ
Отворен ден на институциите
Граѓаните имаат можност на 5 мај да ги видат сите институции на ЕУ, кои на тој ден ќе ги отворат своите врати за заинтересираните. На овој ден сите европски институции околу Брисел им посакуваат добредојде на граѓаните на Европа. Берламон, симболот на ЕУ во Брисел, ќе употреби бројни интересни и разбирливи методи за да ги објасни европските политики и нивното значење. Ќе се танцува на музика во живо, а ќе има и многу други активности. На европскиот парламент фокусот ќе биде ставен на Европското село. Селото, кое ќе биде создадено посебно за настанот, ќе покрива голема област.
Таа област опфаќа штандови што ги претставуваат земјите членки на Унијата, земјите кандидатки, политички групи и други услуги на парламентот. Концертите, дебатите и другите настани ќе обезбедат забава за посетителите од сите возрасти. Отворениот ден е традиционален настан кој секоја година успешно го организира главниот град на Европа. Контакти: Europian Commission, Rue de la Loi 200, 1040 Brussels, Телефон: +32 2 29 52426, Емаил: press-rapid-database@cec.eu.int; Europian Parlament, Rue Wiertz 60, 1047 Brussels, Телефон: +32 (0)2 284 21 11, Факс: +32 (0)2 284 69 74, Е-маил: info@europarl.eu.
Стипендии
Можност за истражувачите од Албанија, Косово и Македонија
Институтот за историја на Источна Европа при Универзитетот од Виена ќе им понуди стипендии на истражувачи од Албанија, од Косово и од Македонија. Истражувачите треба да пристигнат во Виена од 1 октомври 2007 до 31 јануари 2008, а ќе продолжат со своите истражувања на полето на „Студии за Албанија” при Албанската библиотека на Универзитетот. За да аплицираат, кандидатите треба да поседуваат: висок универзитетски просек (да имаат поминато најмалку 6 семестри), добро познавање на германскиот јазик, и јасно дефиниран истражувачки проект во дадената област. Стипендијата ќе изнесува 1.000 евра месечно.
Краен рок за аплицирање е 15 мај 2007 година. Дополнителни информации на веб-страницата: www.hu-berlin.de.
|
