ЦИВИЛ 

Лајф радио „тргна” во етерот

Еден од ретките двојазични проекти коишто се спроведуваат во нашата земја е и двојазичното Лајф радио на Стар ФМ, кое пред извесно време започна да се реализира. Поточно, двојазичното радио со својата експериментална програма започна на 14 март оваа година.

Карактеристика на овој проект е тоа што целиот говорен дел на емисиите ќе се реализира на македонски и на албански јазик, коишто ќе се менуваат интерактивно. Главна порака на Радиото е дека може да се работи заедно, да се разговара за конкретни заеднички проблеми, да се разговара околу разликите, околу ставовите и др. Целта на проектот е да се развие чувството за меѓуетничка толеранција, што би момогнало во градењето на мирот и помирувањето во земјата. Радиото ќе обработува разни теми, како настани од областа на музиката, филмот,, модата, културата и супкултурата, информатиката, економијата, социјалата, човековата средина и екологијата. Место во емисиите ќе заземаат и информации, извештаи, промотивни материјали на домашни меѓународни НВО и институции, кои работат во областа на дијалогот, толеранцијата и човековите права. А покрај с#, бесконечна музика.
Како што ни кажа раководителот на проектот, Крешник Ајдини, засега не се планира да има класични вести, а радиото воопшто нема да се бави со дневна политика и со политика воопшто.

Екипата на радиото се состои од 17 лица. Сите кои сакаат да го слушаат радиото, можат да го најдат на фреквенцијата 89,1 ФМ.

Проектот е поддржан од Македонскиот центар за меѓународна соработка (МЦМС), Пакс Кристи - Холандија, Прес Нау, Нансен дијалог центарот и од Британската амбасада во РМ, која додели помош во вид на грант.


Г. Шабани