|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
На Скопскиот универзитет
Промовиран Центарот за јазици и обука
Универзитетот „Свети Кирил и Методиј” во Скопје на 18 јануари го промовира Универзитетскиот центар за јазици и обука, основан во соработка со Грчко-американскиот универзитет и Грчко-американската унија со седиште во Атина, застапници на програмата на Универзитетот во Мичиген за доделување уверенија за комплетноста во областа на англискиот јазик.
„Оваа соработка ќе дава можност за континуирана обука и напредок на академските кадри, размена на знаење и искуства и заедничка работа во разновидни области. Главната цел за основање на Универзитетскиот центар е тој континуирано да придонесува за продлабочување на постојаниот квалитет при изучување на странските јазици”, рече на промоцијата Љубица Шутуркова, проректор за меѓународна соработка при Универзитетот „Свети Кирил и Методиј”. Таа истакна дека Центарот ќе дава образовни, научни и стручни услуги од областа на странските јазици, ќе овозможува стекнување универзитетски сертификати и ќе промовира и обезбедува научни и стручни услуги со висок квалитет. Амбасадорката на Република Грција во Република Македонија, Александра Пападополу, го изрази задоволството од соработката на двете земји и рече дека иднината на Македонија и на Грција зависи од младите, а образованието е единствен начин да ја подготви младината за следните години. Таа додаде дека нејзината земја е подготвена да & помогне на Македонија и ќе стори с$ што е во нивните капацитети.
„Универзитетот ’Свети Кирил и Методиј’ ќе формира повеќе центри во кои ќе се извршува дополнителна дејност. На овој начин им излегуваме во пресрет на потребите на оние категории клиенти кои не се редовни студенти. Кога се во прашање јазиците, потребата за доедукација е актуелна и мислам дека ова е вистински потег за да ги оствариме сите такви барања”, изјави ректорот на Скопскиот универзитет, Ѓорѓи Мартиновски.
МИА
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
