|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Анкета на здружението “Продолжен живот”
Прекинете го синџирот
Здружението “Продолжен живот” спроведе анонимна анкета во општините Струмица и Ново Село. Анкетата како дел од проектот “Не знаеше, со луѓе тргуваат” опфати 350 испитаници.
Според добиените одговори, речиси 63% од испитаниците одговориле дека трговијата со луѓе е измама и кршење на човековите права, додека околу 37% ја поистоветуваат со проституција и киднапирање.
Дури 61% од испитаниците сметаат дека трговијата со луѓе е многу присутна, а речиси 23% одговориле дека познаваат некој кој бил жртва на трговија со луѓе. Ова само укажува на фактот дека трговијата со луѓе е нешто што се случува тука, близу до нас и на луѓе кои ги познаваме. Ова секако му ја дава сета сериозност на проблемот. Впечатокот е засилен со фактот дека речиси 30% од испитаниците ги познаваат луѓето кои профитираат од оваа работа.
Одговорите на прашањата за причината за оваа појава ја ставаат во контекст на општите услови на живеење. Дури 37% од испитаниците сметаат дека причината за зголемување на феноменот трговија со луѓе е сиромаштијата.
Охрабрува тоа што голем дел од испитаниците знаат каде да се обратат во случај на трговија со луѓе. Речиси 68% знаат дека постои СОС-линија за трговија со луѓе, а речиси исто толку сакаат да се едуцираат за поимот трговија со луѓе.
Проектот на “Продолжен живот” е поддржан од Новешката амбасада и Меѓународната организација за миграции.
Гонце Јаковлеска
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
