|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Кој во име на граѓанскиот сектор одговори во прашалникот од ЕУ
Влијанието на поактивни граѓански организации врз општествените текови во Македонија е минимално, ако се спореди со влијанието на политичките партии
Овие денови главната преокупација на граѓаните на Македонија е дали ќе добиеме покана за влез во Европската Унија или таквата покана ќе се одложи за некое подобро време, како што очигледно се случи со поканата за членство во НАТО. Иако одложувањето на поканата за членство во НАТО некои го оправдуваат со фактот дека причина може да биде неспремноста на другите „пакет-земји”, односно Хрватска и Албанија, сепак неколкукратните пораки коишто беа испратени до Македонија укажуваат на нашата неспремност, односно, меѓу другото, и на ниското ниво на развојот на демократијата во Македонија. Дали за сето тоа причината треба да ја бараме и во нискиот менталитет на огромен број граѓани за сфаќањето на демократијата?
Сигурно дека во прашалникот на Европската Унија едно од клучните прашања било и состојбата во граѓанскиот сектор, односно колку е тој развиен во Македонија, колкаво е неговото влијание на севкупните состојби, дали е под влијание на политиката и се подразбира, колку е тој во функција на развојот на демократијата, воопшто.
Се поставува прашањето кој ги дал одговорите на овие и сличните прашања?
Ако одговорите ги дала комисија составена од Владата, тогаш веднаш се става под сомневање валидноста на таквите одговори, бидејки, колку што е познато, во целиот овој период не се состанало никакво тело од граѓанскиот сектор (барем не од поголемите граѓански организации) за да ја информира Владата со состојбите во секторот.
Практикувањето на демократијата во Македонија започнува од нејзиното осамостојување, односно со појавата на првиот плурализам, па затоа често пати си го поставуваме прашањето зошто до овој степен е развиена демократијата во Македонија и по 15 години независност на државата?
Дали во таквиот развој (помал или поголем) повеќе придонеле политичките партии или разни организации од граѓанскиот сектор?
Улогата на граѓанскиот сектор во Македонија започнува да се развива кон средината на 90-тите години од минатиот век, иако неговото појавување на сцената на македонската јавност започнува уште од 1991 година. Недовербата кон овој вид граѓанско невладино организирање од страна на владејачкиот естаблишмент, но и на граѓаните, во помала мера трае и до денешен ден, иако последните 4 до 5 години има нешто попозитивен тренд. За жал, граѓаните многу повеќе се врзани со политички партии и имаат поголема доверба во нив, отколку во граѓанските невладини организации. Нема да се погреши ако се тврди дека над 30% од вкупниот гласачки електорат во Македонија дејствува политички фанатично. Тоа значи дека во Македонија главната улога во развојот на демократијата с$ уште ја имаат политичките партии, што значи каков народ, таква власт, каква власт, таква демократија .
Денес над Македонија се родија помеѓу 5 до 10 илјади граѓански организации, но многу мал број од нив ја вршат функцијата за која и се создадени. Дали на Македонија & требаат толку многу? Одговорот е сигурно не. Но и многу голем дел од оние што вршат некоја активност, не може да се пофалат со некои постигнати резултати. На прсти можат да се набројат оние кои сепак, со своите активности, оставија траги во општеството, односно поголема група граѓани знаат за нив, за среќа често пати се познати не само во регионот, туку и пошироко. Но, влијанието и на овие поактивни организации врз општествените текови во Македонија е минимално, ако се спореди со влијанието на политичките партии.
Одговорот на ваквата состојба, пред с$, лежи кај лошо организираниот граѓански сектор, бидејќи многу и од поактивните граѓански организации се обоени партиски и национално, така што често знаат индиректно да поддржат извесна политичка опција или интереси исклучиво на една нација, што им оди во прилог на политичките партии. На сето тоа ако се додаде дека и средствата за јавно информирање му посветуваат многу мал простор на граѓанскиот сектор, тогаш очигледно не може да се очекува подобрување на состојбата во некоја блиска иднина. Ако ништо не се измени, остануваме на милоста (немилоста) на политичките партии да ни ја подобрат демократијата, а ако и политичките партии не ни се променат, тогаш евроатлантските интеграции ќе ни бидат с$ уште далеку.
(Авторот на текстот е почесен претседател на Хуманитарната организација Ел Хилал)
Абдурауф Пруси
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
