Кампања во струмичко

Собирање и рециклирање на отпадната пластика

Со финансиска помош на Институтот за трајни заедници на Македонија и на Аме­ри­канската еколошка асоцијација УСАИП, во струмичкиот регион се реализира кампања за намалување на пластиката во се­кој­дневниот живот, како и за континуирано собирање и рециклирање на плас­тичните отпадоци. Проектот го реализира Еколошкото друштво “Планетум” од Стру­ми­ца, а покрај практичните елементи за организирано собирање и преработка на отпа­доците, програмата опфаќа и едукативни содржини, чија цел е да се влијае врз менувањето на навиките и свеста кај луѓето за намалување на употребата на пластиката и нејзината замена со хартија и со други производи што не ја загрозуваат човековата околина и еколошката рамнотежа на нашава планета. Ко­н­ти­нуи­те­тот во реализацијата на овој проект ќе придонесе битно да се променат грдите слики што денес можат да се видат во на­се­лените места, по пазарите, во дворовите, покрај речните корита и патиштата, во нивите итн. Покрај економските ефекти од собирањето и рециклирањето на отпадната пластика, еколошките придобив­ки за заштита на природата се непроценливи и далекусежни за нас и за идните генерации, истакнуваат во Еколошкото друштво “Планетум”, апелирајќи до сите граѓани од струмичкиот и од поширокиот регион кон природата да се однесуваат ци­ви­лизациски и како кон свој единствен дом за живеење и опстанок.     

Ж.Ѓ.