НАСТАНИ

 ЗДРАВСТВО

„ДОВЕРБА” 

Советувалиште за корисници на дрога

На триесетти мај годинава беше свечено отворена новата канцеларија на Здружението „Доверба”, која што беше финансирана од страна на Македонскиот Центар за Меѓународна Соработка, во рамките на организациското финансирање. Извршен директор на МЦМС, Сашо Клековски, со пресекување на лента, го означи почетокот на работата на оваа канцеларија..
Во просториите на здружението ќе се остваруваат активности на проектот „Советувалиште со психоедукативни работилници за адолесцентни млади и родители соочени со проблеми на употреба на дроги и други психо-активни супстанци – со инфо телефонска линија”, кој е финансиран од Институтот за трајни заедници (ИТЗ), а подржан од Градот Скопје.
„Доверба” е здружение за унапредување на лекувањето, рехабилитација и ресоцијализација на лицата што злоупотребуваат дроги и други психоактивни супстанци,, основано во 1995 година во Скопје.
Ф.Б.