Евро-Балкан

Четири години постоење

На 19 септември оваа година, Институтот Евро-Балкан одбележа четири години од своето постоење. Прославата, што се одржа во Скопје, имаше и работна димензија - беше отворен Ресурсниот центар за безбедност и демократија, за кој говореше д-р Биљана Ванковска, неговата раководителка.

На гостите на прославата на годишнината им се обратија г. Живко Груевски, претседател на Управниот одбор на Евро-Балкан и г. Хабиб Масуд, шеф на канцеларијата на Канадската амбасада во Македонија.

Во четирите години од своето основање, Евро-Балкан се профилира како сериозна „think tank“ и истражувачка организација. Како невладина и непрофитна организација, Институтот даваше специфичен придонес за промоцијата на трансатлантската соработка и за промоција на идеите на Европската Унија во нашата држава и во регионот. Евро-Балкан ја спроведуваше оваа своја мисија, преку активности насочени кон размена на идеи, развој и просперитет на Република Македонија, регионална интеграција и промоција на граѓанското општество. Тука спаѓаат издавањето на списанието „Идентитети“, Охридскиот летен универзитет, повеќето организирани форуми посветени на политички, економски, родови и други прашања, издаваштвото и повеќе други проекти.

М.И.