|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Истражување пред локалните избори
Жената Ромка во политиката
Ромките гласаат за подобра иднина на своето семејство во речиси 78% случаи. Гласањето за пари, вработување, брашно и сл. според одговорите на испитаничките, е надмината појава. Ова го покажаа резултатите од исражувањето што ромската организација на жени “Даја” од Куманово го спроведе во 15 градови во Македонија. Во истражувањето беа опфатени 1500 жени Ромки.
Целта на истражувањето беше да се открие колку жените Ромки се заинтересирани за политичкиот живот на РМ, и можноста за нивна партиципација во него.
Само околу 11% се изјасниле дека учествувале во некакви политички активности. Најголем дел од испитаничките 73%, сметаат дека добро ја познаваат постапката на гласање. Ромките низ цела РМ се редовни гласачи. Околу 85% гласаат редовно или повремено. Повеќе од половината гласаат самостојно. Меѓутоа, чести се појавите на семејно гласање. Оние кои не гласаат, како најголема причина ја наведуваат недовербата во политичарите. Само 1/3 од анкетираните знаат која институција е задолжена за донесување закони во РМ. Повеќе од 1/3 знаат кој е задолжен за извршување на законите во РМ. Дека и жената треба да биде дел од политиката, сметаат околу 79%. Најголем број од жените Ромки сметаат дека жените со своето учество ќе дадат позитивен придонес во политичкиот живот на РМ. Време е жените Ромки да се вклучат во политичките текови на македонското општество. Така сметаат 82%.
Жената Ромка која има политички афинитети може да смета на целосна подршка од припадничките на овој етникум. Околу 93% изјавиле дека би подржале жена Ромка во политика. Сепак, на жените Ромки им е потребна политичка едукација. Така сметаат повеќе од 1/2 од испитаничките.
Дури 1/3 од анкетираните покажале желба за вклучување во политиката.
Прашалникот направи проверка и на образовната структура на испитаничките. Околу 44% од нив беа без образовние, а со основно образование околу 40%. Дури 86% од испитаничките се невработени, а за оние кои се изјасниле како вработени не е прецизно дали се работи за регулиран работен однос или работа на “црно”.
Г.Ј.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
