|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
БАЛКАНСКА ДОВЕРБА ЗА ДЕМОКРАТИЈА
Добро владеење и соработка во регионот
Три големи донатори – “German Marshall Fund” од САД, УСАИД (Агенцијата за меѓународен развој на САД) и Фондацијата Чарлс Стјуарт Мот ги здружија силите и средствата во формирањето нова иницијатива наречена „Балканска доверба за демократија”, која стана оперативна летово. Целта на оваа иницијатива е развој и поддршка на процесите на доброто владеење во Југоисточна Европа.
Иницијативата всушност потекна од “German Marshall Fund” кој го здружи својот капитал со другите два донатори, формирајќи расположлив фонд од 25 милиони долари за оваа иницијатива. Седиштето на „Балканската доверба за демократија“ ќе биде во Белград, но таа ќе работи во Албанија, Босна и Херцеговина, Бугарија, Македонија, Србија и Црна Гора, Романија и Хрватска. Годишно, ќе бидат на располагање скоро два милиони долари за давање грантови на локални здруженија на граѓани или групи на граѓани, локалните и регионалните влади, образовни институции и медиуми. Грантовите ќе бидат давани за проекти што ќе ги подобруваат контактите меѓу граѓаните и нивните влади. Исто така, ќе се даваат грантови за проекти што поддржуваат прекугранична соработка и кои промовираат развој на граѓанското општество во регионот.
Во програмата на „Балканската доверба за демократија“ се издвојуваат две принципиелни подпрограми. Едната е „Поврзување на граѓаните со власта“ (поддршка на вклученоста на граѓаните во работата на властите, мониторинг на работата на властите од страна на граѓаните или граѓанските здруженија, подобрување на разбирањето на граѓанските права и одговорности), а втората „Соработка и здружување“ (поддршка на субнационалното и трансб_алканското здружување и соработка меѓу владите, здруженијата на граѓани, граѓанските иницијативи и другите институции чија цел е да се подобри разбирањето и соработката во регионот).
М.И.
|
|
|
|
|
