Биографии

Елена Ташкова е родена на 28.05.1971 година во Штип, Македонија.

Дипломира на Белградскиот универзитет на Дефектолошкиот факултет, смер логопедија. Седум години работи во ОУ „Ванчо Прке“, а сега во ОУ „Гоце Делчев“ - Штип како дефектолог-логопед.

Врши тријажа, корекција на децата со пречки во оралната вербална комуникација за општина Штип.

Учествува во обука во организација на Медија артес во склоп на програмата на ФИООМ „Уметноста во општествените промени“ и во реализација на проектите „Психосоцијална реинтеграција на децата без родители“, „Запознај ме - помогни ми“ и „Предлог-програма за бесплатна правна помош“.

Моментно е на постдипломски студии на Педагошкиот факултет во Штип.

Течно зборува англиски , српски и влашки јазик.

Во Здружението за хуманитарни активности „Синергија“ - Штип е претседател на Извршниот одбор. 

Каранфилов Тихомир е роден во 1954 година во Битола. Таму го завршува средното училиште. Своето образование го продолжува на скопскиот универзитет каде што апсолвира на Медицинскиот факултет. Од 1999 година работи во ТВ БТР како уредник во македонската редакција. Истовремено пишува и за дневниот весник на ромски јазик Рома тајмс. Како сценарист има реализирано повеќе тв-проекти и документарни филмови:„Ромски кралеви на музиката“, „Ромски политички партии“, „Ромски населби“, „Првата ромска граматика - Шаип Јусуф“, „Ромски цивилен свет“ и тв-проектот „Стоп на насилството врз жената со посебен акцент врз ромската жена“.

Активно евклучен и во невладиниот сектор од 1999 година. Како генерален секретар на РМЦМ учествува во припремата и реализацијата на проектите: „Косовскиот конфликт и последиците врз косовските роми“, „Мир и пријателство“, „РЕФ“ и др. 

Анифа Демировска е родена во 1962 година. Живее и работи во Делчево, во Управата за јавни приходи. Дипломира на Правниот факултет во Скопје, со положен правосуден испит. Активно е вклучена во невладионото движење во Р. Македонија од 1996 година. Претседател е на  Женскиот актив на Ромската невладината организација „Пхурт“ (Мост) Делчево.

Учествува на повеќе национални, регионални и меѓународни конференции како претставник од ромска граѓанска организација, има поминато повеќе обуки и семинари од различни области организирани на национално и на регионално ниво. 

Славко Саздовски е роден во 1970 година во Скопје. Дипломира на Факултетот за физичка култура при Универзитетот Св. Кирил и Методиј во Скопје во 1993 година. Во периодот 2002-2003 работи како професор по физичко образование во ОУ „Браќа Рамиз и Хамид“ – Шуто Оризари, Скопје. Во моментов студира социјални науки на „Jonkoping University“ – Шведска. Автор е на повеќе есеи од областа на работа со млади, адолесценција, работа со поединци и групи, помирување и решавање конфликти.

Во текот на 2003 година со поддршка од Институтот Прони за социјална едукација го спроведува проектот „Социјална едукација на младите Роми во општина Шуто Оризари“, чија основна цел е да им даде поддршка и поттик на младите Роми да продолжат со образованието во средно училиште.
 
М-р Благоја Трајкоски е роден во Секирци, Прилепско, во 1946 година.

Основно образование завршува во родното место, а гимназија во Велес. Дипломира на Филозофскиот факултет во Скопје (1971 г.) на групата историја на книжевностите на народите на СФРЈ со макeдонски јазик.

Во 1976/77 година се запишува на постдипломски студии од

областа на социолошките и политиколошките науки, а магистерскиот труд го одбраниува во 1994 година. Има објавено над 80 библиографски единици

До 1978 р. работи како професор по македонски јазик во Средното хемиско училиште „Димитрија Чуповски“.

Во 1978 година е назначен за директор во Заводот за унапредување на предучулишното и основното воспитание и образование во Велес. Од 1991 г., како советник, работи во Бирото за развој на образованието на Република Македонија, подрачна единица, Велес.

Дел од неговите трудови се „Некои сознанија и искуства во остварувањето на дејноста на заводите, со иницирање можни организациски правци и модели за натамошна работа“, „Социолингвистички аспекти во изучувањето на македонскиот јазик на иселеништвото од Македонија во Шведска, во Норвешка и во Германија“ итн.

Учествува во изработката на наставни програми по македонскијазик V-VIII одделение, раководител и учесник е во изработка на програмите за гимназиското реформирано образование (I-IV година), член е на Државната матурска комисија по предметот македонски јазик и литература.