МЦМС

Македонскиот центар за меѓународна соработка (МЦМС), организација на граѓанското општество што работи во областа на одржлив развој, градење на свеста и социјално-хуманитарна (основна) помош, објавува 

ПОВИК ЗА ОРГАНИЗАЦИСКА ПОДДРШКА НА ГРАЃАНСКИ ОРГАНИЗАЦИИ  

Организациската поддршка е наменета за јакнење на организацискиот и институционалниот капацитет на граѓанските организации во Македонија, за да можат истите да го зголемат своето влијание и да направат значителни промени во секторот.

Се охрабруваат да се пријават оние организации кои имаат капацитет за лобирање и застапување за стратешки важни прашања во секторите во кои делуваат и организации кои поттикнуваат иницијативи за релевантни општествени промени.

Поддршката се однесува на периодот декември 2003 - декември 2006, во максимален износ од 3.900.000,00 мкд, по организација, за период од 3 години, во зависност од потребите на самата организација, во финансиски средства и услуги. Од нив, МЦМС учествува со средства во висина до 70% (најмногу 2.730.000,00 мкд), а организацијата треба да го обезбеди остатокот од минимум 30% од вкупниот буџет.

Основни предуслови за подобност за финансирање и понатамошното разгледување на пријавите на организациите се:

• да бидат регистрирани според законот за здруженија на граѓани и фондации; 
• да имаат обезбеден канцелариски простор, технички опремен за работа (сопствен, под наем или даден на користење);
•  да делуваат на регионално или на национално ниво;
• да делуваат во секторите: граѓанско општество и демократизација, човекови права, културни различности и дијалог, информации, социјално-хуманитарна работа, здравство, образование и екологија;
• да дадат писмена согласност и спремност за годишна финансиска ревизија на организацијата; и
• да имаат минимален буџет од 1.000.000,00 мкд, просек во изминатите три години.

Изборот на организациите ќе се одвива во две фази: предквалификаци и конечен избор. Бодувањето на апликацијата во фазата на предквалификации ќе биде направено според однапред утврдени критериуми.

Во фазата на претквалификации ќе влезат организациите кои:      

• ги исполнуваат горенаведените предуслови (во спротивно пријавите нема да се разгледуваат) ;
• ја пополниле Пријавата за организациска поддршка, со печат и потпис од одговорно лице;
• ги доставиле сите потребни документи, наведени во Упатството за пријавување

 Организациите кои ќе ја поминат фазата на претквалификации и ќе влезат во потесниот круг на избор треба да достават План за градење капацитети на сопствената организација за три години. МЦМС ќе обезбеди независна консултантска поддршка во подготовката на Планот за градење капацитети, за оние организации кои ќе ја поминат фазата на претквалификации.

За резултатите од претквлификациите писмено ќе бидат информирани сите организации. 

Сетот за аплицирање можете да го добиете исклучиво по електронска пошта, на ваше претходно барање.

Комплетната документација треба да ја доставите во просториите на МЦМС или да ја испратите по пошта, најдоцна до 21.10.2003 год. до 16:00 часот.

Македонскиот центар за меѓународна соработка (МЦМС)

Никола Парапунов б.б.
П.Фах 55,
1060 Скопје,

Тел: (02) 3065-381,
e-mail: vch@mcms.org.mk; kkk@mcms.org.mk, 

Лица за контак:т Валентина Чичева, Кренар Кука