|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Проект на ДЕМ-млади “Запознај го твојот сосед”
Дружење и работа во волонтерски кампови на Балканот
Движењето на екологистите на Македонија-млади, во рамките на проектот “Запознај го твојот сосед”, ќе организира учество во волонтерските младински кампови, кои летово ќе се одржуваат во нашата земја и во повеќе од 85 земји од светот. Во камповите можат да членуваат сите полнолетни средношколци и студенти, кои го познаваат англискиот јазик и кои имаат желба да се дружат, да се запознаваат со млади од другите држави, да ја проучуваат туѓата култура и обичаи и кои сакаат со својот волонтерски труд да придонесат во создавањето на некое дело. Камповите ќе се одржуваат во текот на целото лето и ќе траат по 2 или три седмици, а во еден камп ќе можат да работат од 15 до 20 млади. Во нив ќе се работи на различни теми и ќе се изучуваат различни области како екологија, музика, филм, социјална работа, работа со деца, архитектура и други. Во камповите младите претпладнето го поминуваат во волонтерска работа, а попладне се слободни. Викендите се користат за екскурзии за запознавање на земјата домаќин, но и за изучување на јазикот, обичаите и културата на домашното население. На Балканот годинава ќе се одржат кампови во Македонија, во Бугарија и во Србија и Црна Гора. Во земјите од целиот свет годишно се одржуваат околу 2.000 кампови.
Во Македонија ќе се одржат три волонтерски кампови, во Дојран на кој ќе се работи на уредување на плажата и е отворен за млади од Југоисточна Европа, на Пелистер, каде ќе се истражуваат флората и фауната и кампот Орбелиус, отворен за младите од целиот свет. Финансиските средства за сместувањето и храната за младите ќе ги обезбеди Младинската мрежа на Југоисточна Европа, а секој учесник самиот си ги плаќа патните трошоци.
“Пријавувањето се врши во Младинскиот центар во Битола и во седиштето на ДЕМ во Скопје. Секој заинтересиран може да се јави на нашите телефони 3220-518 и на 3128-075 или на е-мејлот demmladi@dem.
org.mk. Апликацијата се испраќа до нашите соработници во странство, кои ги организираат камповите и оттаму се очекува одговор за учеството на кандидатите. Годинава ќе се запознаваме со соседите на Балканот, значи нашите млади ќе ги посетат балканските кампови”, вели Цветан Николовски од ДЕМ. С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
