|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Кампања “Клучот е во нашите раце”
Ромите се запишуваат во училиште, но не го завршуваат
Во 11 градови низ земјава годинава се запишани 1.539 првачиња од ромската заедница, наспроти ланските 913. Бројот на запишани првачиња од ромска националност годинава е речиси двојно поголем од лани, но Ромите се уште се соочуваат со финансиска немоќ за да ги пратат децата в училиште.
Во рамките на кампањата „Клучот е во нашите раце”, чија цел е целосно вклучување на децата Роми во основното образование, биле анкетирани 6.304 семејства од Тетово, Скопје, Битола, Прилеп, Кавадарци, Велес, Куманово, Штип, Виница, Кочани и од Крива Паланка. Во Националниот ромски центар велат дека бројот на ученици не е зголемен поради наталитетот, туку благодарение на зголемената свест на родителите. Сепак, и покрај тоа, над 6 проценти од младите до 15 години никогаш не посетувале училиште, а 15 проценти од нив никогаш не го завршуваат основното образование. Четвртина од анкетираните семејства немаат ниту просторија каде да му овозможат да учи на детето, а училишните книги и приборот најчесто се добиваат како донација. Што се однесува до поседувањето компјутер, 93 проценти од семејствата изјавиле дека го немаат.
„Проблемот е во тоа што поддршката од државните институции е само декларативна. Се соочуваме со зголемување на свеста кај родителите дека нивните деца треба да посетуваат училиште, но тие не добиваат никаква помош, ниту финансиска ниту во книги”, вели Ашмет Елезовски, координатор во Националниот ромски центар. Тој истакна дека и кога одат во училиште, децата се соочуват со неприфаќање, дури и навреди од наставниците и соучениците и нивните родители.
Според спроведените анкети, над 20 проценти од децата не добиваат екстра време со својот учител за да покажат подобар успех, а дури 4 проценти се навредувани и неприфатени.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
