|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Трибина во Свети Николе
“Надмудри го ракот - биди здрава жена”
По повод кампањата на Министерството за здравство, во соработка со Македонското женско лоби, со Комисијата за еднакви можности и со Клубот на жените парламентарки, Организацијата на жените на општината Свети Николе на 17 декември одржа трибина на темата „Надмудри го ракот - биди здрава жена”. Оваа организација од 1997 година работи на проблематиката на репродуктивното здравје на жената, а во оваа прилика даде свој придонес во подигање на свеста на жените за да одат на превентивни гинеколошки прегледи, што е и целта на кампањата.
Трибината е реализирана во собраниската сала на општината Свети Николе, во присуство на околу 200 жени, на која во рамките на националната кампања за заштита од малигни заболувања на репродуктивните органи учестуваше и министерот за здравство, Имер Селмани, кој посочи и на заинтересираноста на граѓаните за нејзино одржување во повеќе градови низ државата, како и за успешноста од одржување на трибините чиј број, наспроти првично предвидените 50, поради големата заинтересираност е зголемен на 70 низ градовите и селата во државата.
На трибината учествуваа и Лилјана Поповска, претседателка на Комисијата за еднакви права меѓу жените и мажите, Виолета Томовска, претседателка на “Животна искра”, Даниела Димитриевска, извршна директорка на канцеларијата на Македонското женско лоби, Слободан Даневски, градоначалник на општината Свети Николе, Стојанче Стефановски од Заводот за заштита на мајките и децата, Зоран Спировски, директор на Клиниката за торакална хирургија од Скопје и д-р Надица Стојковска од Здравствениот дом „Ѓорѓи Гаврилски” во Свети Николе.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
