|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Иницијатива на Европската комисија
Посилен граѓански сектор во Западен Балкан и Турција
Директоратот за проширување на Европската комисија покрена иницијатива чија цел е зајакнување на капацитетот на граѓанското општество во земјите од Западен Балкан и Турција, во процесот на нивното пристапување кон Европската Унија. Со таа цел, Европската комисија подготвува голема конференција во април 2008 година во Брисел, а на 13 и 14 декември годинава во Истанбул се одржа подготвителен состанок за тој настан.
На средбата во Истанбул присуствуваа претставници од здруженијата на граѓани од Албанија, од Србија, од Косово, од Црна Гора, од Хрватска, од Македонија и од Турција, кои заедно со претставниците на делегациите на Европската комисија од овие држави, како и од седиштето на Комисијата во Брисел, разговараа за потребите, проблемите и потенцијалите за развој на граѓанското општество. Од Македонија беа поканети претставници на три здруженија: Мост, Центарот за институционален развој - ЦИРа и Новинарско-правниот енвиро центар Ерина.
Како што беше појаснето, претстојната конференција во Брисел има четири главни цели: да ги прошири информациите за финансиската поддршка за развојот на граѓанското општество; да го промовира партнерството и вмрежувањето на здруженијата на граѓани од ЕУ и од земјите кандидатки и потенцијални кандидатки за членство во ЕУ; да го подобри квалитетот на проектите кои доаѓаат од граѓанското општество; да придонесе, преку проширување на информираноста, за зајакнување на актерите во граѓанското општество.
На состанокот во Истанбул дискусиите се водеа во три главни области: животна средина; демократија и човекови права; и, социјален развој и интеретнички/интракултурни релации. Во рамките на овие области, се водеа дискусии на хоризонтално ниво, кои третираа неколку клучни прашања: професионализацијата на здруженијата на граѓани; развој на капацитетите на здруженијата, со подобрување на дијалогот со властите и со граѓаните; пристапност до фондовите, од финансиска поддршка, па с$ до прибирање средства; и, градење партнерства на ниво на ЕУ.
Дискусиите, размената на мислењата и идеите кои се изнесоа на средбата во Истанбул треба да придонесат за подобра организација и конципирање на конференцијата во Брисел. Претставниците на Европската комисија заминаа со „полни раце” предлози што произлегоа од претставниците од вкупно 27-те здруженија на граѓани. Се очекува наскоро да биде изготвена и веб-страница за бриселската конференција, на која ќе биде поставена и нејзината агенда. Она што веќе се знае е дека се очекува присуство на голем број претставници на граѓанскиот сектор од Западниот Балкан, од Турција и од ЕУ. На конференцијата исто така се очекува да зборува комесарот Оли Рен, висок претсавник на ЕУ и, секако, претставници од здруженијата на граѓани. Покрај трите главни области за кои се дискутираше на средбата во Истанбул, посебно ќе се разгледува прашањето на градењето на капацитетите, и покрај тоа што тоа ќе биде вградено и во првите три области.
М. И.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
