|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Коментар
Колку граѓански организации брои Македонија?
Дали ја знаете бројката на граѓанските организации во Македонија? Одговорот веќе го имате. Од печат излезе седмото издание на Адресарот на граѓанските организации во Македонија, што го изготви Македонскиот центар за меѓународна соработка (МЦМС).
 Како што ќе видите таму, бројката на регистрирани или пререгистрирани организации од 1998 година, откако беше донесен Законот за здруженија на граѓани и фондации па досега, изнесува 5312. Но, ќе забележите дека Адресарот содржи податоци за 1509 од нив. Зошто е тоа така?
Многу едноставно. Најголем дел од здруженијата на граѓани практично не постојат. Иако фигурираат во главниот судски регистар, фактичката ситуација е сосема поинаква. Така, при собирањето на податоците се случуваше, на актуелната адреса на одредени организации, според тоа како се заведени во судскиот регистар, луѓето што живеат таму да се изначудат за што станува збор.
Тоа се случува затоа што голем дел од нив, од причина што немаат сопствени седишта, ги пријавуваат домашните адреси, адресите на дедовците и бабите, роднините или слично. А потоа, прашање на време е, дали ваквите здруженија навистина ќе профункционираат и што ќе се случи со актуелноста на податоците кои ги доставиле во судскиот регистар, не навлегувајќи во мотивот за нивното здружување.
Според нашето искуство, значи, бројката на здруженијата на граѓани дадена погоре, иако е точна според заверката во судскиот регистар, најверојатно е помала, во смисла на фактичкото и ефективното постоење на здруженијата.
Најновиот адресар на МЦМС ви нуди сосема точни податоци на внесените организации во него, кои вклучуваат податоци за контакт, како и податоци од кои може да се изврши проценка на нивниот организациски капацитет. Тоа дава можност за зголемување на транспарентноста и подобрување на информираноста и комуникацијата на граѓанските организации меѓу себе, но и со целата јавност.
Адресарот можете да го добиете или да го нарачате во МЦМС.
Даниел Медароски
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
