|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
МОФ и Метаморфозис
Дебата во врска со најавениот стратегиски договор помеѓу Владата и Мајкрософт
На 11 ноември од 18:30 до 20:00 часот во Клубот на пратениците во Скопје, Младинскиот отворен форум (МОФ) одржа структурирана дебата на тезата „Република Македонија треба да потпише договор за стратегиско партнерство со Мајкрософт“, поддржана од Центарот за ИКТ „Метаморфозис“.
Дебатата ја водеа два тима, составени од по двајца студенти по право, од кои еден ја застапуваше „афирмативната“ страна, а друг „негативната“. Членовите на секој од тимовите имаа задача да го истражат прашањето и потоа да се постават во улога на застапник на една од страните (секако, без вмешување на нивното лично мислење). Секој член на тимовите прво имаше свое излагање, потоа беше оставен простор за дискусија со публиката, а потоа по еден член по тим имаше завршен збор.
Постигнатата цел на дебатата беше поттикнување јавна расправа во врска со најавеното воспоставување стратегиско партнерство помеѓу Владата на РМ и корпорацијата Мајкрософт, проследена со подигање на јавната свест за проблемите од јавната сфера поврзани со ИКТ. Во тој контекст, членовите на МОФ со помош на владиниот Сектор за европска интеграција го имаа обезбедено и оригиналниот документ – Писмото за намери, потпишан помеѓу Владата и Мајкрософт на 14 октомври, и кој на јавноста досега и’ беше достапен само во прераскажана форма преку ретки написи во печатот.
Во текот на дебатата, дебатерите изнесоа голем број аргументи за (легализација на постоечкиот софтвер, понуди за помош во образованието, промоција на регулативата за заштита на авторските права, недостаток на капацитети) и против (постоење поефтини легални алтернативи врз база на „Линукс“, ризици за државата: безбедност, зависност, нетранспарентност) идниот стратегиски договор. Дел од публиката, во која имаше претставници од граѓанскиот сектор, Владата и јавната администрација, Мајкрософт (нивниот застапник „Публицис“), новинари и студенти, понуди дополнителни информации и покренаа особено важни прашања. Така, на пример, Ванчо Ордановски од „Форум“ предупреди во врска со тивката монополизација на македонската информатика преку користење стандарди кои се во приватна сопственост, укажувајќи дека фирмата во која работи била присилена да купи софтвер од Мајкрософт за да може да комуницира со владини служби кои користат исклучиво таков софтвер.
Организаторите најавија дека комплетниот текст на дебатата ќе биде достапен во пишана форма на веб.
Ф. Стојановски
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
