|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Проект на ИФЦ
“Волшебниот свет на рециклирањето”
Во рамките на проектот организиран од Меѓународната финансиска корпорација – ИФЦ, заедно со Движењето на екологистите на Македонија, поддржан од Космофон, од Германос и од Комунална хигиена, над 2.500 ученици од четврто одделение од 35 училишта во целата држава ќе учествуваат во натпреварот на темата „Волшебниот свет на рециклирањето”, како дел од кампањата „Мисли на утре - рециклирај денес”.
Натпреварот ќе се одвива во сите основни училишта во Македонија во категориите литературни творби на темата „Мисли на утре - рециклирај денес”, натпревар во уметнички творби изработени со примена на рециклирањето на темата „Волшебниот свет на рециклирањето” и натпревар во најдобри специјални стории снимени со видеокамери или опишани со фотографски објектив под мотото „Ние сме дел од решението, а не од проблемот”.
„Кампањата ќе трае до четврти април, а нејзината цел е да се подигне јавната свест кај децата и нивното запознавање дека рециклирањето не е ништо страшно и опасно, туку корисно за животната средина”, рече Билјана Георгиевска, раководител на проектот за рециклирање при ИФЦ.
На натпреварот ќе се доделат девет поединечни и три групни награди. Нивното врачување ќе се организира на 20 април по повод Денот на планетата Земја.
За Емилија Трајковиќ-Христова од „Космофон”, оваа иницијатива, која е наменета за најмладите, ќе придонесе кон подобра животна средина, бидејќи, како што рече, децата се амбасадорите во зачувувањето на околината.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
