|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
луѓе: Ненад Коциќ
Ми пречи политичката, економската и секоја друга глобализација
Професионално искуство: Доктор по медицина, диломирав на Медицинскиот факултет во Скопје во 2001 година, повеќе од три години работам во Службата за итна медицинска помош - Велес.
Ангажирање во граѓански сектор: Активист сум во ЕД “Вила зора” - Велес од своите 14 години. Почнавме со читање на еден рецитал по фабриките, по училиштата и по сите културни манифестации во градот и околината (се сеќавам дека не не примија да го прочитаме само во Топилницата). Бев еден од основачите на „Вила зора” и координатор на младите во друштвото. Започнав активна комуникација и со младите од ДЕМ , како чадор-организација, при што го формиравме ДЕМ-млади. За време на студиите, се повлеков од активното партиципирање во граѓанскиот сектор, за да почнам активно да работам повторно, при подготвувањето на големиот митинг на 21 март 2002 година, а истото лето бев избран за претседател на „Вила зора”.Основната причина што се приклучив во граѓанскиот сектор беше љубовта кон природата, здравјето на луѓето, желбата да му се помогне на градот Велес.
Хоби и интереси: Сакам да играм кошарка, да посетувам различни земји, култури и луѓе, да читам стручна литература, а посебно сум заинтересиран да дадам свој удел во развојот на медицината.
Најтешка одлука: Најтешка одлука ми била и ми е на што да се специјализирам, не затоа што не знам, туку затоа што кај нас нема таква специјализација, а во странство е малку скапо.
Амбиции: За мене лично, ќе се насочам кон добивање специјализација, па потоа магистратура и супспецијализација. Не знам колку ќе можам да одговорам на потребите на еколошкото друштво, но каде и да сум, јас останувам член на друштвото.
Во слободното време чита: “Тхе Ланцет” - прекрасно медицинско списание, стручна медицинска литература, еколошки списанија и информатори на ФОЕ и ГЕНЕТ.
Каде оди во слободното време: Слободно време имам премногу малку и го посветувам на фамилијата.
За време на викендите:Во природа со другарите.
Кој национален/локален проблем го смета за особено важен и зошто?
Одбирање чесна и одговорна влада и парламент што ќе работат во интерес на нашите граѓани, а не само во свој личен интерес. На локално ниво сметам дека најголем предизвик е решавањето на статусот на Топилницата, зашто таа сега е затворена, барем официјално, но и да се рестартира, мора да работи, почитувајќи ги правилата за заштита на животната средина. Од друга страна, невработеноста е рак-рана за Велес, многу млади отидоа на печалба во странство и тоа едноставно мора да се запре, со подобрување на економската состојба.Многу ми пречат и некои локални шерифи кои мислат дека на последните избори 2002 година ја добија судбината и животите на луѓето во градот во свои раце, а за ништо не ги бидува.
Кој глобален проблем го смета за особено важен и зошто? Политичката, економската и секоја друга глобализација лично ми пречи и тоа што сметам дека големите држави вршат окупација на еден нов и суптилен начин. Масовното уништување на природата е огромен глобален проблем, но не гледам желба да се реши.
Што би променил во Македонија и во светот? Во Македонија би сменил многу самобендисани луѓе поставени на одговорни функции, а кои се тотално неспособни. Сепак, нашата иднина, успесите и неуспесите, зависат од нас. Во светот би сакал да нема глад, војни, уништување на природата, омраза.
Совет/порака: Премногу сакам да делам совети, но сега имам проблем која порака ми е омилена. Сепак, најреална во животот ми е пораката “С$ тече, с$ се менува” и така мораме да го сфатиме животот, за наше добро.
Никогаш не би можел: Не можам без да работам и да бидам продуктивен. Не можам без моите најблиски, кои многу ги сакам, а и без добра храна (се познава), исто така.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
