|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Наградени пет фирми
Оскари за општествено одговорните претпријатија
Скопските фирми „Тинекс”, „Фармахем” и „Раде Кончар сервис”, како и „Ренова”-Тетово, „Биркарт Логистик”-Штип се победници на овогодишниот избор на проектот „Општествена одговорност на претпријатијата”, спроведен од германската агенција „Инвент” (InWent). На огласот за доделување „македонски оскар за општествено одговорни претпријатија” се пријавиле 75 фирми за две категории: мали и средни претпријатија и големи компании. Во потесен круг влегле 15-те најдобро бодувани врз основа на проектите кои ги спровеле во насока на остварување на концептот на општествена одговорност на претпријатијата. Инаку, проектот се спроведува во сите земји од Југоисточна Европа.
Директорот на маркетите „Тинекс”, Владимир Тодоровиќ, го освои оскарот за најдобра општествена одговорност на големо претпријатие поради проектот за вработување деца без родители од домот „11 Октомври”. Тој рече дека нивниот проект на вработување се реализира три години и досега се примени 25 штитеници кои одлично се вклопуваат во работата.
Од Владата најавуваат максимална поддршка на корпоративната општествена одговорност, нејзиното спроведување и внесување во Законот за трговските друштва како обврска на претпријатијата.
Заменик-министерот за економија, Киро Спачев, на манифестацијата изјави дека Владата направила програма за инвестиции во која корпоративната општествена одговорност е приоритет. „Ќе се работи во насока на тоа претпријатијата да добијат благодет во однос на спроведувањето на одговорноста”, вели Спачев.
Учесниците на доделувањето на оскарите потенцираа дека цел на проектот е да се зголеми свесноста на претпријатијата и да се развие национална стратегија. Беше нагласена и потребата од функционирање на координативно тело кое ќе се залага за обезбедување подобра работна клима.
Ж.Ѓ.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
