|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Европска Унија
ЕУ критикувана за заштитата на човековите права
Во својот годишен извештај објавен на 13 јануари, набљудувачите на човековите права објавиле дека Европската Унија и нејзините земји-членки ја намалуваат заштитата на човековите права во миграциската политика и во законот за антитероризам. Европските влади и институции не се дораснати на предизвикот донесен во посткомунистичките земји со проширувањето, вели една од водечките глобални организации за човекови права.
“Ексклузивниот поглед на борбата против нелегалната имиграција во Европа одразува еден вознемирувачки и актуелен став дека мигрантите немаат права. Според тоа, регионалните и државните политики и практики се фокусираат на чување на мигрантите и азилантите надвор од Европа”, вели извештајот. Според американската организација, европските актери исто така “ја пропуштиле можноста да ја разграничат европската практика од навредливите акции на други земји со вклучување стратегии против тероризмот што исто така ги нарушуваат основните права, вклучувајќи ги забраните за мачење и неопределен притвор”. (ЕУ Обзервер)
Т.Х.
|
Мирис
Билтен за малцинските права
Системот на информирање МИРИС нуди поинтензивно информирање за малцинските права во Бугарија, во Босна и Херцеговина, во Кипар, во Македонија, во Романија и во Србија и Црна Гора. Информативниот билтен на МИРИС може да се најде на њњњ.еурац.еду/мирис.
МИРИС е информативен систем основан од ЕУРАЦ – Европската академија од Болзано, Италија. Целта е да создаде база на податоци и да промовира стандарди за малцинските права, преку овозможување лесно достапни информации од оваа област. Информациите се обезбедуваат не само од академски и експертски извори, туку и од граѓански организации, претставници на малцинствата, студенти, независни истражувачи и сите други заинтересирани.
М.И.
Здружение “Македонска мисла” од Прага
Македонска промоција во Чешка
Здружението “Македонска мисла” со седиште во Прага ги обединува македонските граѓани кои живеат во Чешка. Здружението издава мошне интересна веб-страница, на чешки, на македонски и на англиски јазик, проследена со традиционална македонска музика. На њњњ.волнѕ.цз/македонија можат да се најдат информации за македонските посетители во Чешка (документи, виза), мал чешко-македонски речник, како и податоци за нашата држава, со мапа и фотографии. На страницата е отворена и книга на жалост по загинувањето на претседателот Борис Трајковски и неговите придружници.
М.И
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
