|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Граѓански комитет за развој - Пробиштип
ОСОГОВО ЕКОРЕГИОН
Граѓанскиот комитет за развој од Пробиштип, го реализира проектот “Осогово екорегион” чија главна цел е овозможување одржлив развој на осоговскиот регион. Посебно внимание се посветува на размената на информации и евиденција на потенцијалите во регионот; утврдување приоритети за одржлив развој на регионот и промоција и афирмацијата на потенцијалите и можностите на осоговскиот регион.
Осоговскиот регион не е доволно афирмиран, сметаат во ГКР од Пробиштип. Со реализацијата на проектот тие се надеваат дека ќе придонесат за развојот на еколошкиот и селскиот туризам во регионот, запознавање на јавноста со сите потенцијали на Осоговието и зголемување на соработката меѓу локалните самоуправи и другите организации и институции во регионот.
Активностите се фокусирани на одржување јавни трибини во поголемите општини од регионот, одржување тркалезна маса и потпишување меморандум за соработка меѓу претставниците на локалните самоуправи, изработка и дистрибуција на екотуристичка карта и промотивна публикација и подготовка и емитување на документарно-репортажна емисија.
Активностите се реализираат во поголемите општини од осоговскиот регион: Крива Паланка, Кратово, Пробиштип, Кочани и Македонска Каменица, во периодот од јули 2004 година до јуни 2005 година. Партнери во реализацијата на проектот се локални граѓански организации, локалните самоуправи, медиуми и јавни претпријатија од регионот.
Во рамките на проектот беа спроведени неколку трибини на тема: “Осоговски регион, ресурси, идеи и можности за развој и соработка”, “Можности за развој на алтернативни видови туризам во осоговскиот регион” и “Производство на здрава храна - органско земјоделие”.
Проектот е поддржан од страна на Регионалниот центар за заштита на животната средина за Централна и Источна Европа (РЕЦ) со средства обезбедени од Еуропе аид, Канцеларијата за соработка на Европската комисија, во рамките на Програмата за национални и регионални грантови за граѓански организации (ЗГ) во областа на одржливиот развој во Западен Балкан. Буџетот изнесува 8.014 евра.
Граѓански комитет за развој - Пробиштип
Е-маил: gkrprobistip@yahoo.com
Гонце Јаковлеска
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
