|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Хрватска
“Европа во училница”
Кон крајот на март, организацијата ГОНГ започнува да ја спроведува втората сезона од проектот “Европа во училница”. Станува збор за интерактивни работилници наменети за матурантите на средните училишта во Република Хрватска каде на интересен и интерактивен начин ќе бидат објаснети конкретните чекори за членство на земјата во Европската Унија. Посебен акцент ќе биде ставен на значењето на тој чекор за младите, за нивната мобилност, за образованието и за идното вработување.
Со проектот е предвидено одржување на 800 интерактивни работилници во 200 средни стручни училишта и гимназии, каде ќе учествуваат 22.000 матуранти. Целта на проектот е да се поттикнат младите објективно да размислуваат за ЕУ и да се намалат предрасудите кои се резултат на неинформираноста и одделните информации за позитивните ефекти на Хрватска од членството во ЕУ.
Работилниците ќе ги спроведуваат 11 екипи на обучувачи - предавачи (млади политиколози, правници и социолози или апсолвенти на наведените факултети), едуцирани од страна на ГОНГ и Министерството за надворешни работи и европски интеграции, во склоп на наставните часови по политика и економија или на некој друг час во училиштата.
На крајот на работилниците, учениците ќе добијат брошури со информации за ЕУ, како и врски за интернет-страниците посветени на ЕУ.
Проектот доби официјална препорака од Министерството за надворешни работи и европски интеграции и од Министерството за наука, образование и спорт, а финансиран е од Делегацијата на Европската комисија во РХ, од Министерството за наука, образование и спорт, како и од Амбасадата на Кралството на Норвешка.
Г.Ш.
Избор: oneworld |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
