|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Социјална одговорност
Оценка на јавните набавки во Чешка
Системот за јавни набавки, според истражувања на Светската банка, е најподложен на корупција. Транспаренцѕ Интернатионал – Цзецх Републиц (ТИЧ), во декември 2004 стартуваше проект фокусиран на јавните набавки во Чешка. Долгорочна цел на ТИЧ е овој проект да придонесе кон потранспарентни процедури и да се минимизираат можностите за коруптивни практики во процесот на јавни набавки.
ТИЧ направи проценка на неефикасно користените фондови при јавни набавки во Чешка на загубите кои произлегуваат од тоа и оценка на недостатокот од транспарентност на јавните набавки. Експерти од областа на јавно финансирање, јавна администрација и локална самоуправа од Универзитетот за економија од Прага, подготвија методологија, која овозможи мапирање на процесот на јавни набавки на централно и локално ниво и одредување на обемот на неефикасно алоцирани средства. Анализата се базираше на податоци добиени од Министерството за финансии, Чешкиот завод за статистика и други државни институции.
Истражувањето утврди дека во 2004 година, трошоците за набавка на добра и услуги од страна на централната власт изнесува 4.3% од БДП, а 14,7% од нив се искористени неефикасно. Набавките пак на локалната самоуправа изнесувале 6.2% од БДП, од кои 12% биле искористени неефикасно. Главната причина за тоа, е влијанието на политичките претставници во процесот на одлучување за доделување на договорите за јавни набавки. Политичарите на сите нивоа, го користат своето влијание да ги прилагодат условите за избор, се мешаат во работата на комисиите за набавки и имаат право да ги отфрлат одлуките на овие комисии. Покрај тоа, на јавната администрација & недостасуваат ефективни контролни механизми.
Оценката исто така покажа, дека има значајно отсуство на транспарентност и во однос на доделувањето на договорите за градежни работи и дека постојат блиски релации меѓу некои градежни компании и некои локални политичари.
Во истражувањето беа анализирни набавките и на Министерството за одбрана. Во табелата подолу се презентирани податоци за начинот на доделување на договорите во ова Министерство во текот на 3 години.
Очигледно е дека многу малку од ресурсите биле алоцирани со отворени тендери, а на системот му недостасува транспарентност и во многу од случаите, немало објективна причина да се пристапи кон набавки со ограничен тендер или непосредна спогодба.
За лошата состојба на полето на јавни набавки во Чешка, има неколку причини: ниско ниво на волја за обелоденување на какви било информации, блиски релации со добавувачите и недоволна контрола и мониторинг од надлежните тела, опозицијата, медиумите и јавноста. Една од клучните препреки е отсуството на политичка волја за навистина да се подобри ситуацијата.
Во 2006 година проектот продолжи со подготовка на специфични законски мерки, кои треба да ја зајакнат институционалната контрола на процесот на јавни набавки, лобирање до законодавството за прифаќање на реформите и набљудување на економските активности на јавните претпријатија.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
